जलविद्युत कम्पनीको शेयरमूल्यमा उछाल, उच्च कमाउनेमा अधिकांश हाइड्रोपावर

शेयर बजारमा बुधबार जलविद्युत कम्पनीको शेयरमूल्यमा उछाल आएको छ । अघिकांश जलविद्युत कम्पनीको शेयरमूल्य बढेपछि आज जलविद्युत उपसमूहको सूचक २.८० प्रतिशत अर्थात ३३.७९ अंकले बढेर १ हजार २४० दशमलव ६८ अंकमा पुगेको छ ।

आजको बजारमा उच्च कमाउनेमा अधिकांश हाइड्रोपावर कम्पनी रहेको छ । हकप्रद निष्काशनका लागि बिक्री प्रबन्धक नियुक्त गरेपछि अरुण भ्याली हाइड्रोपावरको सबैभन्दा धेरै ९.७६ प्रतिशतले बढेर १८० रुपैयाँ पुगेको छ ।

यसैगरी युनाइटेड मोदी हाइड्रोपावर, युनियन हाइड्रोपावर, दीब्यश्वरी हाइड्रोपावर, ङादी ग्रुप पावर, नेशनल हाइड्रोपावर, छ्याङ्दी हाइड्रोपावर, जोशी हाइड्रोपावर, माउन्टेन हाइड्रोपावर, र हिमालयन पावर पार्टनर शीर्ष दश बढ्ने कम्पनीभित्र समेटिएका छन् । दशौं ठूलो बढेको हिमालयन पावर पार्टनर लिमिटेडको ७.५७ प्रतिशतले बढेको छ ।

आजको बजारमा गुहेश्वरी मर्चेन्ट बैंकिङ्ग, तारागाउँ रिजेन्सी होटल, लक्ष्मी उन्नति कोष लगायतका मूल्य घटेको छ । नेप्से बुधबार ९.३७ अंकले बढेर १ हजार ५५५ दशमलव ५२ अंकमा पुगेर बन्द भएको छ ।

Top Gainers

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।