आठ विकास बैंकले तीन महिनामा कमाए ८० करोड, खुद नाफा ६०.१८% बढ्यो

शुक्रबारसम्म आठ विकास बैंकले चालु आर्थिक वर्षको वित्तीय विवरण सार्वजनिक गरेका छन् । वित्तीय विवरण सार्वजनिक गरेका ६ बैंकको नाफा बढेको छ भने २ बैंकको नाफा घटेको छ ।

यस अवधिमा ती बैंकले ७९ करोड ८१ लाख ९७ हजार रुपैयाँ खुद नाफा आर्जन गरेका छन् । गत आवको यसै अवधिमा ४९ करोड ८३ लाख २५ हजार रुपैयाँ खुद नाफा आर्जन गरेकामा समीक्षा अवधिमा ६०.१८ प्रतिशत अर्थात २९ करोड ९८ लाख ७२ हजार रुपैयाँले खुद नाफा बढाएका हुन् ।

असोज मसान्तसम्ममा मुक्तिनाथ विकास बैंकले सबैभन्दा धेरै २९ करोड ४१ लाख रुपैयाँ खुद नाफा कमाएको छ भने नारायणी डेभलपमेन्ट बैंकले ४७ लाख ५ हजार नोक्सानीमा रहेको छ ।

प्रतिशेयर आम्दानीका आधारमा वित्तीय विवरण सार्वजनिक गरेका बैंकमध्ये कामना सेवा विकास बैंकको प्रतिशेयर आम्दानी ३१.५१ रुपैयाँ पुगेको छ । बैंकले गैर सञ्चालन आम्दानीबाटै २० करोड नाफा आर्जन गर्दा प्रतिशेयर आम्दानीमा उच्च बढोत्तरी भएको हो ।

नारायणी डेभलपमेन्ट बैंकको प्रतिशेयर आम्दानी सबैभन्दा धेरै ७.१७ रुपैयाँ ऋणात्मक छ भने सिन्धु विकास बैंक पनि ४.३३ रुपैयाँले ऋणात्मक छ ।

विस्तृत विवरण तालिकामा हेरौं:-

प्रथम त्रैमासमा यस्तो छ विकास बैंकको प्रतिशेयर आम्दानी:-

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।