कोरोना अपडेट: कोरोना भाइरस सङ्क्रमणबाट विश्वमा एक करोड २५ लाख भन्दा बढी मुक्त

विश्वमा एक करोड २५ लाख ६९ हजार ३५४ जना कोरोना भाइरस सङ्क्रमणबाट मुक्त भएका विश्व स्वास्थ्य संगठन (डब्लुएचओ) ले शनिबार जानकारी दिएको छ ।

कोरोना भाइरस सङ्क्रमणको कारण विश्वभरी ७ लाख २४ हजार ७३७ जनाको मृत्यु भएको पनि सो संगठनले जनाइएको छ । सो संगठनका अनुसार शनिबारसम्म विश्वभरीमा १ करोड ९५ लाख ७४ हजार ५९२ जना व्यक्ति कोरोना सङ्क्रमित भएका छन् ।

ती मध्ये १ करोड २५ लाख ६९ हजार ३५४ जना कोरोना भाइरस सङ्क्रमणबाट मुक्त भएका छन् । विश्वभरमा हाल ६२ लाख ८० हजार ५०१ व्यक्ति कोरोना भाइरस सङ्क्रमित रहेका र उनीहरुको उपचार भइरहेको छ । सङ्क्रमितमध्ये ६५ हजार १२ जनाको अवस्था गम्भीर रहेको जनाइएको छ ।

चीनको हुबे प्रान्तको वुहान शहरबाट गत वर्षको डिसेम्बरको अन्त्यबाट शुरु भएको कोरोना भाइरस सङ्क्रमणको कारण अमेरिका सबैभन्दा बढी प्रभावित भएको छ । डब्लुएचओका अनुसार संयुक्त राज्य अमेरिकामा मात्र ५० लाख ९७ हजार १८७ जनामा कोरोना भाइरसका सङ्क्रमित रहेका छन् । यस प्रकोपका कारण अमेरिकामा १ लाख ६४ हजार १३९ व्यक्तिको मृत्यु भइसकेको बताइएको छ ।

यसैगरी ब्राजिलमा २९ लाख ६७ हजार, भारतमा २० लाख २९ हजार, रुसमा ८ लाख ८२ हजार, दक्षिण अफ्रिकामा ५ लाख ४५ हजार कोराना संक्रमित रहेका छन्। यी देशहरुमा क्रमश: ९९ हजार ७०२, ४२ हजार ६२६, १४ हजार ८५४ र ९ हजार ९०९ जनाको मृत्यु भएको छ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।