नेप्सेमा दोहोरो अंकको वृद्धि, सूचक फेरि १ हजार ४०० माथि

सरकारले बिहीबारदेखि उपत्यकामा निषेधाज्ञा जारी गरेपनि शेयर बजारमा भने दोहोरो अंकको सुधार आएको छ।

कारोबारको दुई घण्टा अवधिमा नेप्से सूचक ११.३५ अंकले बढेर १ हजार ४०२ दशमलव ६४ अंकमा पुगेको छ। यस अवधिमा १६२ कम्पनीको ३ लाख ९८ हजार कित्ता शेयर १३ करोड १३ लाख ८७ हजार रुपैयाँमा खरीद बिक्री भएका छन्।

कारोबारमा आएका होटल र म्युचुअल फण्ड बाहेक बाँकी दशवटा उपसमूहको सूचकमा हरियाली छाएको छ। ब्यापार र विकास बैंकको सूचक १ प्रतिशत धेरैले बढेको छ।

समृद्धि फाइनान्सको शेयरमूल्यमा सकारात्मक सर्किट लागेको छ। सिभिल लघुवित्त, महालक्ष्मी विकास बैंक, युनियन हाइड्रोपावर, लक्ष्मी बैंक, ग्रामीण विकास लघुवित्त, र शाइन रेसुङ्गा डेभलपमेन्ट बैंकको शेयरमूल्य ३ प्रतिशत धेरैले बढेको छ।

उता महिला सहयात्रा माइक्रोफाइनान्स, गुहेश्वरी मर्चेन्टको शेयरमूल्य ३ प्रतिशत धेरै र साधना लघुवित्त, मल्टिपर्पस फाइनान्स, माउन्टेन हाइड्रोपावर, राधी विद्युत कम्पनी र बोर्टलर्स नेपाल तराईको शेयरमूल्य २ प्रतिशतले घटेको छ।

यस अवधिमा नागरिक लगानी कोषको १ करोड ४० लाख रुपैयाँको शेयर कारोबार भएको छ भने नेको इन्स्योरेन्स ८६ लाख ४२ हजार, नेपाल रि इन्स्योरेन्सको ८० लाख ३१ हजार र एनएमबि बैंकको ५० लाख बढीको शेयर कारोबार भएको छ।