बैंकहरुमा आठ महिनामा १०७ अर्ब विदेशी मुद्रा निक्षेप, मुद्दती मात्र ४१ अर्ब

-नोटबजार संवाददाता।
काठमाडौं।
२२चैत्र, २०७७, आईतवार / Apr 04, 2021 18:08:pm

चालु आर्थिक वर्षको फागुनसम्ममा वाणिज्य बैंकहरुमा १०७ अर्ब रुपैयाँ बरावरको विदेशी मुद्रा निक्षेपमा रहेको छ । यो रकम बैंकहरुमा कल, करेन्ट, सेभिङ र फिक्स्ड अकाउन्टमा रहेको विदेशी मुद्रा हो ।

चालु आर्थिक वर्षको आठ महिनासम्ममा बैंकहरुको मुद्दती निक्षेपमा करिब ४१ अर्ब रुपैयाँ बरावरको विदेशी मुद्रा रहेको छ ।

बैंकहरुमा रहेको यो विदेशी मुद्राको मुद्दती निक्षेप कुल विदेशी मुद्रा निक्षेपको ३८.२५ प्रतिशत हो । अन्य खातामा रहेको विदेशी मुद्राको तुलनामा मुद्दती निक्षेप सबैभन्दा धेरै रकम रहेको छ ।

यो अवधिमा बैंकहरुको करेन्ट अकाउन्टमा २२ अर्ब ८ करोड रुपैयाँ बरावरको विदेशी मुद्रा रहेको छ । यो रकम कुल विदेशी मुद्रा निक्षेपको २०.६१ प्रतिशत हो । त्यसैगरी यो अवधिमा बैंकहरुमा १३ अर्ब २४ करोड रुपैयाँ बरावरको विदेशी मुद्रा बचत खातामा रहेको छ । यो रकम कुल विदेशी मुद्राको १२.३६ प्रतिशत हो ।

चालु आवको फागनुसम्ममा बैंकहरुको कल अकाउन्टमा २५ अर्ब ८ करोड रुपैयाँ बरावरको विदेशी मुद्रा रहेको छ । यो कुल विदेशी निक्षेपको २३.४१ प्रतिशत हो । त्यसैगरी फागुनसम्ममा वाणिज्य बैंकहरुको अन्य खातामा ५ अर्ब ७४ करोड रुपैयाँ बरावरको विदेशी मुद्रा रहेको छ ।

सञ्चालनमा रहेका २७ वाणिज्य बैंकहरु मध्ये नबिल बैंकमा सबैभन्दा धेरै विदेशी मुद्रा रहेको छ । फागुनसम्ममा नबिल बैंकमा १६ अर्ब ९१ करोड रुपैयाँ बरावरको विदेशी मुद्रा निक्षेप रहेको छ ।

त्यसैगरी चालु आवको फागुनसम्ममा सेञ्चुरी कमर्सियल बैंकमा सबैभन्दा थोरै विदेशी मुद्रा निक्षेपमा रहेको छ । यो अवधिसम्ममा बैंकमा २२ करोड ६० लाख रुपैयाँ बरावरको विदेशी मुद्रा निक्षेपमा राखेको छ । तर, यो अवधिमा स्ट्यान्डर्ड चार्टर्ड बैंकको करेन्ट अकाउन्टमा सबैभन्दा धेरै विदेशी मुद्रा रहेको छ ।

 

Banks Current Savings Fixed Call Others Total
NABIL               3,641            3,161             7,427          2,667                22             16,918
SCBNL               5,831            3,749             3,105          2,798              209             15,693
HBL               3,081            1,403             4,064          3,530              717             12,795
NIBL               2,994            1,177                  29          5,468              759             10,426
MBL                  182                 67             4,221          1,254              248               5,971
NIC                  902                 68             4,426               91                62               5,548
Mega                  239               103             4,412             158                 -                 4,912
Sanima                  613            1,069             1,906               81                69               3,738
NMB                  564               276                618          1,261              923               3,641
Global                  370               123             1,501             960                  6               2,959
Laxmi                  358               588                812             855              240               2,851
EBL                  930               132                  21          1,582                  1               2,665
Prabhu                  170                 29             1,179          1,087                 -                 2,465
SBL                  178                 97                567          1,352                  1               2,194
Kumari                  285               160             1,185             249                 -                 1,880
Sunrise                  234                 94             1,074             387                 -                 1,789
CBL                    13                 94             1,386               76                 -                 1,570
Citizen                  158               167             1,143               95                 -                 1,563
Prime                  210                 11                304               14              988               1,527
NCC                    32                 36             1,397               17                  1               1,483
NSBI                  163               311                  -               130              594               1,199
BOK                  246               212                  13             113              610               1,193
NBBL                  395                 61                  -               248                  0                  704
NBL                    84                 10                110                 5              300                  509
RBB                    85                   6                  26             299                 -                    415
ADBNL                      5                   0                  -               303                 -                    309
Century                  121                 47                  59                 0                 -                    226
Total             22,083          13,248           40,983        25,083           5,748           107,145
  20.61018496 12.36460274 38.25013027 23.4100945 5.364987542                  100

नोट : रकमलाई दश लाखमा उल्लेख गरिएको छ ।

बैंकको करेन्ट अकाउन्टमा ५ अर्ब ८२ करोड रुपैयाँ बरावरको विदेशी मुद्रा रहेको छ । त्यसैगरी बैंकको सेभिङ अकाउन्टमा पनि अन्य बैंकको तुलनामा धेरै रहेको छ । यो अवधिमा बैंकको सेभिङ अकाउन्टमा ३ अर्ब ७४ करोड रुपैयाँ बरावरको विदेशी मुद्रा रहेको छ ।

फागुनसम्ममा सबैभन्दा धेरै मुद्दती निक्षेपमा विदेशी मुद्रा राख्नेमा नबिल बैंक रहेको छ । बैंकले सो अवधिसम्ममा ७ अर्ब ४२ करोड रुपैयाँ बरावरको विदेशी मुद्रा मुद्दती निक्षेपमा राखेको छ । त्यसैगरी कल अकाउन्टमा धेरै विदेशी मुद्रा राख्नेमा नेपाल इन्भेष्टमेन्ट बैंक रहेको छ । यो अवधिमा बैंकले ५ अर्ब ४६ करोड रुपैयाँ बरावरको विदेशी मुद्रा कल अकाउन्टमा राखेको छ ।

📣  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।


Share on:


Comments