छिमेक लघुवित्तले लाभांश पारित गर्न बोलायो पुस २३ गते साधारण सभा

छिमेक लघुवित्त (CBBL) ले गत आर्थिक वर्षको नाफाबाट सेयरधनीलाई वितरण गर्न प्रस्ताव गरेको लाभांश पारित गर्ने मुख्य एजेण्डा सहित पुस २३ गते २० औं वार्षिक साधारण सभा बोलाएको छ ।

कम्पनी सञ्चालक समितिको आइतबार सम्पन्न बैठकले मकवानपुरको हेटौँडा स्थित होटल सामनामा बिहान ११ बजे सभा बोलाएको हो ।

उक्त साधारण सभाले सञ्चालक समितिले प्रस्ताव गरे बमोजिम आर्थिक वर्ष २०७७/७८ को नाफाबाट २७ प्रतिशत बोनस सेयर र कर प्रयोजन सहित ३ प्रतिशत नगद गरी कुल ३० प्रतिशत लाभांश वितरण प्रस्ताव अनुमोदन गर्दैछ ।

त्यस्तै मर्जर तथा प्राप्तीका लागि आवश्यक कार्य गर्न सञ्चालक समितिलाई अख्तियारी दिने, सर्वसाधारण शेयरधनीको तर्फबाट सञ्चालक समितिमा प्रतिनिधित्व गर्ने एक जना सञ्चालकको निर्वाचन गर्ने तथा कम्पनीको प्रबन्धपत्र र नियमावलीमा संशोधन गर्ने लगायतका प्रस्तावहरु पनि सभामा रहेका छन् ।

लघुवित्तले २० औं वार्षिक साधारण सभा तथा लाभांश वितरण प्रयोजनका लागि कम्पनीले पुस ९ गते शुक्रबारदेखि २३ गते शुक्रबारसम्मसम्म बुकक्लोज गर्ने निर्णय गरेको छ । तोकिएको बुकक्लोजका आधारमा पुस ८ गते बिहीबारसम्म नेप्सेमा सेयर कारोबार भई कायम रहने सेयरधनीले मात्र सभामा भाग लिन र लाभांश प्राप्त गर्न सक्नेछन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।