लामो दूरीमा २८ प्रतिशतसम्म भाडा बढेपछि कहाँ जान कति लाग्छ ? यस्तो छ नयाँ भाडादर

यातायात व्यवस्था विभागले सार्वजनिक यातायातमा वृद्धि गरेको नयाँ भाडादर सार्वजनिक गरेको छ । २०७८ असार २७ गते तत्कालिन भौतिक पूर्वाधार तथा यातायातमन्त्री बसन्त नेम्वाङको मन्त्रीस्तरीय निर्णयबाट भाडा बढाउने सहमति भएको थियो ।

सोही निर्णय अनुसार विभागले अन्तर प्रदेश चल्ने देशभरका रुटमा लागू हुने गरी सार्वजनिक यातायातको नयाँ भाडादर सार्वजनिक गरेको हो ।

विभागले श्रमिकको पारिश्रमिक, इन्धन, टायर, व्याज, सञ्चालन खर्च, ह्रासकट्टी रसञ्चालनमुनाफा लगाएतका मूख्य सूचकहरुमा देखिएको मूल्य वृद्धिको आधारमा सार्वजनिक यातायातको भाडादर बढाएको हो ।

विभागले दुई वा सोभन्दा बढी प्रदेश भई सञ्चालन हुने (राष्ट्रिय स्तरका सार्वजनिक यातातात रुटमा सञ्चालन हुने) सार्वजनिक यात्रुबाहक सवारी साधनको भाडादर २८ प्रतिशतले वृद्धि गरेको हो ।

विभागले पहाडी बाटोमा सञ्चालन हुने मालबाहक सवारी साधनमा २० प्रतिशत र तराईको बाटोमा सञ्चालन हुने मालबाहक सवारी साधानमा २६ प्रतिशतले भाडा बढाएको हो ।

यस्तो छ नयाँ भाडादर

विभागले काठमाडौँदेखि नेपालगञ्जसम्मको नयाँ भाडादर १ हजार २८६ रुपैयाँ कायम गरेको छ । काठमाडौँदेखि ५३१ किलो मिटर रहेको नेपालगञ्ज पुग्नका लागि साविकको भाडा १ हजार २५ रुपैयाँ छ ।

काठमाडौदेखि पोखराको लागि १ सय ९ रुपैयाँ भाडा बढाएको छ । विभागले साविकको घाडा ४ सय २८ रुपैयाँबाट ५ सय ३७ रुपैयाँ कायम गरेको हो ।

यस्तै, विभागले काठमाडौँदेखि भद्रपुरका लागि १ हजार १७२ रुपैयाँबाट १ हजार ४७० रुपैयाँ, काठमाडौँदेखि भैरहवाका लागि ५ सय ६१ रुपैयाँबाट ७ सय ४, काठमाडौँदेखि महेन्द्रनगरका लागि १ हजार ३३२ रुपैयाँबाट १ हजार ६७१ रुपैयाँ, काठमाडौँदेखि विरगंजका लागि ५ सय ४० रुपैयाँबाट ६ सय ७८ रुपैयाँ भाडादर कायम गरेको छ ।

विभागले तराईको लामो दुरी (२५० किलोमिटर भन्दा बढी) पक्की र ग्राभेल बाटोमा सञ्चालन हुने यात्रुबाहक बस, मिनिबसको लागि प्रति किलो मिटर प्रति व्यक्ति २ रुपैयाँ ४३ पैसा कायम गरेको छ ।

२५ किलोमिटरदेखि २५० किलोमटिटरसम्म दूरीका पक्की र ग्राभेल बाटोमा सञ्चालन हुने यात्रु बाहक बस, मिनिबसको लागि प्रति किलोमिटर प्रति व्यक्ति २ रुपैयाँ ४९ पैसा र काठमाडौँ–पोखरा र पोखरा–नारायणघाट ख०डको लासग प्रति व्यक्ति प्रति मिलोमिटर २ रुपैयाँ ६७ पैसा कायम गरेको छ ।

यातायात व्यवस्था विभागले सार्वजनिक गरेको देशभरका गन्तब्यको नयाँ भाडादरका लागि यस लिङ्कमा क्लिक गर्नुहोस्

सार्वजनिक मालबाहक ट्रकको भाडादर

विभागले सार्वजनिक मालबाहक ट्रकको कायम रुट अनुसार नयाँ भाडा दर कायम गरेको छ । विभागले विरगंजबाट काठमाडौँसम्मको २५ हजार ३०४ रुपैयाँ कायम गरेको छ । विरगंजबाट काठमाडौँसम्मको साविकको भाडादर २० हजार ७७३ रुपैयाँ छ ।

यस्तै, विभागले भैरहवाबाट काठमाडौँसम्मको २३ हजार ३६, जनकपुरदेखि काठमाडौँसम्मको दागि ३१ हजार ५१६, लाहानदेखि काठमाडौँसम्मको लागि ३२ हजार ९९२ रुपैयाँ भाडादर कायम गरेको छ ।

विभागले मालबाहक सवारीका लागि विभागले तराई र पहाडतर्फ असार २९ गतेदेखि तराईमा २६ प्रतिशत र पहाडमा २० प्रतिशतले वृद्धि गरी ६ रुपैयाँ १५ पैसा र ११ रुपैयाँ ९४ पैसाले हुन आउने टनले हिसाब गरी माथि उल्लेििखत भाडादर कायम गरेको हो ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।