नेप्से साढे १८ अंकले घट्दा कारोबारमा ४४ प्रतिशतको गिरावट

शेयर बजार कारोबार सूचक मापक नेप्से मंगलबार १८.५४ अंक घटेर २९२९.२९ अंकमा झरेको छ । यसदिन नेप्सेमा २९ को संयोग देखिएको छ । भदौ २९ गते नेप्से सूचक पनि २९२९.२९ बिन्दुमा अडिएको हो ।

कारोबारमा आएका सबै १३ वटै उपसमूहगत सूचक घटेसँगै नेप्सेमा कराोबार रकम पनि ४४.१३ प्रतिशत अर्थात ४ अर्ब १० करोडले घटेको छ । अघिले दिन सोमबार ९ अर्ब २९ करोडको कारोबार भएकोमा मंगलबार ५ अर्ब १९ करोडमा सीमित भएको हो ।

यसदिन २२२ कम्पनीको १ करोड ६ लाख ३९ हजार ८२६ कित्ता शेयर ५९ हजार ८५४ पटक खरिदबिक्री हुँदा कारोबार ५ अर्ब १९ करोड ५२ लाख रुपैयाँमा समेटिएको छ ।

आजको बजारमा निर्जीवन बीमाको सूचक सर्वाधिक २.०४ प्रतिशत घट्दा विकास बैंक उपसमूहको परिसूचक १.१९ प्रतिशतले घटेको छ । बाँकी उपसमुहगत सूचक पनि १ प्रतिशतभन्दा कमले घटेका छन् ।

मंगलबार मनकामना स्मार्ट लघुवित्त र सानिमा जनरल इन्स्योरेन्सको शेयरमूल्यमा सकारात्मक सर्किट लागेको छ । रैराङ हाइड्रोपावरको ५ प्रतिशत, एनआईबिएल समृद्धि फण्ड १, कालिका लघुवित्त र सिंगटी हाइड्रोपावरको शेयरको पनि ३ प्रतिशत बढीले मूल्य घटेको छ ।

उता मंगलबारको बजारबाट राष्ट्रिय बीमा कम्पनीको शेयरका लगानीकर्ताले सर्वाधिक १ हजार १४५ रुपैयाँले गुमाएका छन् । कम्पनीको शेयरको भाउ सर्वाधिक ५.५६ प्रतिशत घटेर १९ हजार ४५० रुपैयाँमा झरेको हो ।

यस्तै एशियन लाइफ इन्सयोरेन्स संस्थापक, सिटिजन्स म्युचुअल फण्ड २, एलआईसी नेपाल, राष्ट्रिय बीमा कम्पनीको संस्थापक, अजोड इन्स्योरेन्स, एभरेष्ट इन्सयोरेन्स संस्थापक र एनआरएन इन्फ्रास्टक्चर एण्ड डेभलपमेन्टको मूल्य ३ प्रतिशत धेरैले घटेको छ ।

कारोबार रकमका आधारमा २७.०३ करोड टर्नओभर सहित अरुण भ्याली हाइड्रोपावर शीर्ष स्थानमा रहेको छ । त्यसैगरी, यस दिन रैराङ्ग हाइड्रोपावर २२.७३ करोड, युनाइटेड मोदीको २२.३४ करोड र एनआईसी एशिया बैंकको १५.७३ करोडकोभन्दा बढीको शेयर खरिदबिक्री भएको छ ।

नेशनल हाइड्रोपावर, अपि पावर, रिडी हाइड्रोपावरको ११ करोड बढी तथा सिटिजन्स बैंक, आईसीएफसी फाइनान्स र हिमालयन डिष्टिलरीको दश करोडको कारोबार भएको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।