नबिल इन्भेष्टमेण्ट बैंकिङ्गको “नवरात्रीमा नबिलसँग नव लगानी” योजना सार्वजनिक

नबिल इन्भेष्टमेण्ट बैंकिङ्ग लिमिटेडले बडा दशैं २०७८ को उपलक्ष्यमा शेयर बजारमा प्रवेश गर्न चाहने नव लगानीकर्ताहरुलाई लक्षित गर्दै ‘नवरात्रीमा नबिलसँग नव लगानी’ योजना सार्वजनिक गरेको छ ।

नवरात्रीको पावन अवसरमा नवलगानीकर्ताहरुको लागि नबिल इन्भेस्ट्मेन्ट नवप्रवेशी लगानी व्यवस्थापन योजनामा ९ लाखको लगानीमा ९.०९ प्रतिशतको सुनिश्चित प्रतिफल प्राप्त गर्न सक्नेछन् ।

योजना अन्तर्गत घटीमा ९ लाख रुपैयाँबाट नवप्रवेशी लगानी व्यवस्थापन सेवा प्राप्त गरेमा प्रथम ९ महिनाको लागि वार्षिक सेवा शुल्क वापतको रकम निःशुल्क
प्राप्त गर्नेछन् । साथै बाँकी अवधिका लागि वार्षिक सेवा शुल्क वापत मात्र ०.९० प्रतिशत मात्र शुल्न लाग्नेछ ।

योजनामा पहिलो ९ महिनाको लागि निःशुल्क रुपमा वार्षिक सदस्यता प्राप्त गर्नुका साथै कुनै योजनामा हर्डल रेट ९ प्रतिशतभन्दा तल भएमा पर्फर्मेन्स शुल्क पनि लाग्ने छैन।

यो योजनामा सहभागि भई सेवा प्राप्त गरेवापत लगानी रकमको ९ प्रतिशतसम्म फाईदा भएमा सो भन्दा माथिको नाफामा ९ प्रतिशतका दरले पर्फमेन्स शुल्क कम्पनीले लगाउनेछ । घटीमा ३ वर्षको लागि लकिंग हुने यस्तो रकम सेवा प्राप्त गर्दा गर्दै सेवाग्राहीलाई बिचैमा रकम झिक्नुपर्ने अवस्था आएमा ०.९ प्रतिशतले नै हुन आउने शु:ल्क भुक्तानी गरी बाहिरिसन सकिने कम्पनीले जनाएको छ । लगानीकर्ताले आफ्नो फाईदा रकम जुनसुकै वेला बिना कुनै शुल्क झिक्न सक्नेछन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।