रैराङ हाइड्रोपावरको साधारण सभाको स्थान परिवर्तन

रैराङ हाइड्रोपावर डेभलपमेन्ट कम्पनी लिमिटेडको १८ औं वार्षिक साधारण सभा कार्तिक १७ गते बुधबार होटल ल्याण्डर्माक दरबारमार्ग काठमाडौंबाट जुमको सहायताबाट बिहान ११ बजेदेखि सञ्चालन हुने भएको छ ।

कम्पनीले यसअघि निर्धारण गरेको स्थानमा साधारण सभा गर्न नसकिने जनाएको हो । यसअघि कम्पनीले केन्द्रीय कार्यालय, थापाथलीबाटै अनलाईन माध्यमबाट सभा आह्वान गर्ने निर्णय गरेको थियो ।

सभाबाट रैराङ हाइड्रोपावरले १२.६० प्रतिशत नगद लाभांश अनुमोदन तथा रिडी हाइड्रोपावरसँग मर्जर प्रस्ताव पारित गर्दैछ । साथै लेखापरीक्षक नियुक्त गर्ने लगायतका प्रस्तावहरु पनि पारित गर्नेछ ।

साधारण सभा प्रयोजनका लागि कम्पनीले कार्तिक ४ गते बुकक्लोज गरिसकेको छ । यस अनुसार कार्तिक ३ गतेसम्म नेप्सेमा शेयर कारोबार भई शेयरधनी कायम लगानीकर्ताहरुले लाभांश पाउन र साधारण सभामा सहभागिता जनाउन सक्नेछन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।