बिन्ध्यबासिनी हाइड्रोको आईपीओमा पहिलो दिनमै तीन गुणा आवेदन, साढे ४१ करोडको माग

बिन्ध्यबासिनी हाइड्रोपावर डेभलपमेन्ट कम्पनी लिमिटेडको  आईपीओमा पहिलो दिनमै सर्वसाधारणमा निष्काशन खुला गरिएको सेयरको तीन गुणा बढी बिक्री माग परेको छ । हाइड्रोको आईपीओमा पहिलो दिन शुक्रबार नै साढे ४१ करोड रुपैयाँ बराबरको बिक्री भएको हाे ।

जेठ २० गतेशुक्रबारदेखि सर्वसाधारणमा जारी गरेको १५ करोड रुपैयाँमध्ये १३ करोड ६५ लाखको सेयरमा कम्पनीले सर्वसाधारणबाट आवेदन मागेको थियो ।

कम्पनीको सेयर बिक्री प्रबन्धक सानिमा क्यापिटलका अनुसार शुक्रबार साढे ६ बजेसम्ममा ३ लाख ३६ हजार ७०८ वटा आवेदन मार्फत ४१ करोड ६१ लाख ३२ हजार रुपैयाँ बराबरको ४१ लाख ६१ हजार ३२० कित्ता सेयरको माग भएको हो । उक्त संख्या सर्वसाधारणमा निष्काशन गरिएको सेयरको ३०४.८६ प्रतिशत हुन आउँछ ।

कम्पनीले प्रतिसेयर १०० अंकित मूल्यका १५ लाख कित्ता साधारण सेयर बिक्री खुला गरेको हो । कुल निष्काशन गरिने सेयरमध्ये ४ प्रतिशत अर्थात ६० हजार कित्ता कर्मचारीहरुका लागि र ५ प्रतिशत अर्थात ७५ हजार कित्ता सेयर सामूहिक लगानी कोषका इकाईका लागि सुरक्षित गरिएको छ । बाँकी १३ लाख ६५ हजार कित्ताका लागि सर्वसाधारणले आवेदन दिन सक्नेछन् ।

आईपीओ जेठ २० गते शुक्रबारदेखि २५ गते बुधबारसम्म बिक्री खुला हुनेछ । आईपीओमा मेरो सेयरको मोवाइल एप, तथा वेबसाइटबाट आवेदन दिन सकिनेछ । यसैगरी नेपाल धितोपत्र बोर्डबाट सी–आस्वा सदस्य लिएका सम्पूर्ण बैंक तथा वित्तीय संस्था र तिनका शाखा कार्यालयबाट पनि आवेदन दिन सकिनेछ । लगानीकर्ताले न्यूनतम १० कित्ता देखि अधिकतममा १ लाख कित्तासम्म आवेदन दिन सक्नेछन् ।

आईपीओ निष्काशनका लागि कम्पनीे गराएको रेटिङ्गमा कम्पनीलाई केयर रेटिङ्ग नेपालले ‘केयर एनपी डबल बी प्लस आईएस’ रेटिङ्ग प्रदान गरेको छ । यो रेटिङ्ग प्राप्त संस्थाले कम्पनीको दायित्व बहन गर्ने क्षमतामा मध्यम जोखिममा रहेको संकेत गर्दछ ।

कम्पनीले पहिलो चरणमा आयोजना प्रभावित स्थानीय बासिन्दामा जारी पूँजीको १० प्रतिशत आईपीओ वितरण गरिसकेको छ । दोस्रो चरणमा कम्पनीले सर्वसाधारणका लागि जारी पूँजीको १५ प्रतिशत सेयर बिक्री खुला गरिएको हो । कम्पनीमा जारी पूँजी १ अर्ब रुपैयाँ रहेको यस कम्पनीको हाल संस्थापक तर्फबाट चुक्ता भएको पूँजी ७५ करोड रुपैयाँ रहेको छ ।

कम्पनीको आर्थिक वर्ष २०७७र७८ सम्ममा वास्तविक प्रतिसेयर नेटवर्थ ११९.३४ रहेको छ । यस अवधिसम्म कम्पनीको प्रतिसेयर आम्दानी भने ९.६८ रुपैयाँ छ । कम्पनीले कास्की जिल्लामा ८।८ मेगावाट क्षमताको रुदि खोला ए जलविद्युत आयोजना र ६.६ मेगावाट क्षमताको रुदि खोला बी जलविद्युत आयोजनाको निर्माण सम्पन्न गरी व्यापारिक उत्पादन गरिरहेको छ ।दि खोला ए जलविद्युत आयोजनाको कुल लागत १ अर्ब ५५ करोड ५० लाख ९९ हजार र रुदि खोला बी जलविद्युत आयोजनाको निर्माण लागत १ अर्ब ३३ करोड ९७ लाख २८ हजार रहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।