पिपुल्स पावरको आईपीओ भर्नुभयो, आज अन्तिम मौका !!

पिपुल्स पावर लिमिटेडले साउन ३१ गते मंगलबार देखि बिक्री खुला गरेको प्रारम्भिक सार्वजनिक निष्कासन (आईपीओ) मा आइतबारसम्म मात्र आवेदन दिन पाइनेछ ।

लगानीकर्ताले मेरो सेयरको मोबाइल एप, मेरो सेयर वेवसाइट तथा नेपाल धितोपत्र बोर्डबाट सि आस्वा अनुमति सेवामा सहभागी बैंक तथा वित्तीय संस्था र तिनका तोकिएका शाखा कार्यालयहरुबाट आइतबार कार्यालय समसम्म मात्र कम्पनीको आईपीओमा आवेदन दिन सक्नेछन् । इच्छुक लगानीकर्ताले न्यूनतम १० देखि ५० हजार कित्तासम्ममा लागि आवेदन दिनसक्ने व्यवस्था छ ।

कम्पनीले साउन ३१ गते मंगलबारदेखि प्रतिकित्ता १०० अंकित मूल्यका २४ लाख ६७ हजार ४०० कित्ता सेयर जारी गरेको छ । जसमध्ये २ प्रतिशत अर्थात ४९ हजार ३४८ कित्ता कम्पनीका कर्मचारीहरुका लागि र ५ प्रतिशत अर्थात १ लाख २३ हजार ३७० कित्ता सामुहिक लगानी कोषहरुका लागि सुरक्षित गरिएको छ छ । सर्वसाधारण लगानीकर्ताले २२ लाख ९४ हजार ६८२ कित्ता सेयर खरिदका लागि आवेदन दिन सक्नेछन् ।

आईपीओ निष्काशनका लागि गराएको रेटिङ्गमा केयर रेटिङ्ग नेपाले कम्पनीलाई केयर एनपी डबल बी इस्यूअर रेटिङ्ग प्रदान गरेको छ । यसले दायित्व बहन गर्ने क्षमतामा औसत जोखिम रहेको संकेत गर्दछ ।

कम्पनीको शेयर निष्काशन तथा बिक्री प्रबन्धक प्रभु क्यापिटल लिमिटेड रहेको छ ।

थप समाचार-

पिपुल्स पावरको आईपीओ ३ दिनमा साढे १० लाख बढीले भरे, मागभन्दा ५.३४ गुणा आवेदन

पिपुल्स पावरको साढे २५ करोडको आईपीओमा आवेदन खुल्यो

पिपुल्स पावरको आईपीओ पहिलो दिनमा करिब ३ लाखले भरे, मागभन्दा डेढ गुणा आवेदन

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।