सिक्लेसको आईपीओ करिब साढे १५ लाखले भरे, एक अर्ब ७२ करोडको आवेदन

सिक्लेस हाइड्रोपावर कम्पनीको आईपीओ अन्तिम दिनसम्ममा करिब साढे १५ जनाले एक अर्ब ७२ करोड रुपैयाँ बढीको आवेदन गरेका छन् ।

सिडिएस एण्ड क्लियरिङ्ग लिमिटेड (सीडीएससी) का अनुसार असोज २ गते आइतबार साँझ ५ बजेसम्म १५ लाख ३८ हजार ३८३ जना लगानीकर्ताबाट १ अर्ब ७२ करोड ४४ लाख ३८ हजार रुपैयाँ बराबरको १ करोड ७२ लाख ४४ हजार ३८० कित्ताको माग परेको हो ।

कम्पनीले भदौ २९ गतेदेखि असोज २ गतेसम्म सर्वसाधारण लगानीकर्ताबाट १० लाख ५८ हजार कित्ताका लागि आवेदन मागेको थियो । अन्तिम दिनसम्म मागको १६.३० गुणा आवेदन परेको हो ।

क्रेडिट रेटिङ एजेन्सी केयर रेटिङ्स नेपालले सिक्लेस हाइड्रोपावरलाई ‘केयर एनपी रेटिङडबल बी प्लस’ प्रदान गरेको छ । जसले कम्पनीको दायित्व बहन गर्ने क्षमतामा औसत जोखिम रहेको जनाउँछ । केयर नेपालले २०७८ असोज २० गते रेटिङ दिएको थियो । यो रेटिङ आगामी असोज १९ गतेसम्म बाहाल रहनेछ ।

कम्पनीको धितोपत्र निष्कासन तथा बिक्री प्रबन्धक बिओके क्यापिटल मार्केट लिमिटेड रहेको छ ।

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।