सामसुङ ग्यालेक्सी ए सिरिजमा स्मार्ट फोन सार्वजनिक

सामसुङ नेपालले ग्यालेक्सी ए५६ फाइभ–जी, ग्यालेक्सी ए ३६ फाइभ–जी र ग्यालेक्सी ए२६ फाइभ–जी सार्वजनिक गरेको छ। पहिलोपटक ग्यालेक्सी ‘ए’ सिरिजमा ‘असम इन्टेलिजेन्स’ समावेश गरिएको कम्पनीले जनाएको छ।

ग्यालेक्सी ए५६ र ए३६ अहिले नै बजारमा उपलब्ध छन् भने ग्यालेक्सी ए२६ अप्रिलको पहिलो साताबाट बजारमा आउने सामसुङ नेपालका निर्देशक प्रणयरत्न स्थापितले जानकारी दिए।

ग्यालेक्सी ए सिरिजका फोनहरुमा अघिल्लो वर्ष अत्ति चर्चित गुगलको ‘सर्कल टु सर्च’ विशेषता अब थप उन्नत भई फोन स्क्रिनबाट सजिलै खोज्न मिल्ने भएको छ। यो फिचरले स्क्रिनमा देखिएको नम्बर, इमेल ठेगाना, वा युआरएल सजिलै पहिचान गर्न सक्छ, जसले गर्दा प्रयोगकर्ताले एक ट्यापमा नै कार्य पूरा गर्न सक्छन्। ‘सर्कल टु सर्च’ले गीतहरू पनि तत्काल पहिचान गर्न सक्छ।

ग्यालेक्सी ए सिरिजका सबै डिभाइसहरूमा ५० एमपी मुख्य क्यामेरा तथा ‘अब्जेक्ट इरेजर’ सुविधा उपलब्ध छ। यसले प्रयोगकर्तालाई फोटोबाट अनावश्यक वस्तुहरू हटाउन मद्दत गर्दछ।

ग्यालेक्सी ए५६, ए३६ र ए२६ मार्च २८ देखि नेपालका सबै सामसुङ आधिकारिक स्टोरहरूमा उपलब्ध हुनेछन्। साथै, सामसुङ इन्स्टा फाइनान्स सेवाको माध्यमबाट ग्राहकहरूले इएमआई विकल्पमा पनि फोन किन्न सक्नेछन्। शून्य प्रतिशत व्याजदरमा इएमआई रु २३०० प्रतिमहिनाबाट सुरु हुनेछ।

पुराना फोन एक्सचेन्ज गर्न चाहने ग्राहकहरूले ‘सबकोफोन’ वा ‘अर्कोस्टोर’मार्फत साट्न पनि सक्ने कम्पनीले जनाएको छ।

उपलब्धता र मूल्य

ग्यालेक्सी ए५६ र ए३६ अहिले नै बजारमा उपलब्ध छन् भने ग्यालेक्सी ए२६ आउँदो अप्रिलको पहिलो साताबाट बजारमा आउने कम्पनीले जानकारी दिएको छ ।​ ग्राहकले सामसङ इन्स्टा फाइनान्स सेवामार्फत ईएमआई विकल्पमा पनि फोन खरिद गर्न सक्नेछन् । कम्पनीका अनुसार ईएमआई मासिक २३०० रुपैयाँबाट सुरु हुनेछ, जसमा शून्य प्रतिशत ब्याजदर लाग्नेछ ।

पुरानो फोनसँग नयाँ फोन साट्न चाहने ग्राहकले सबकोफोन वा अर्कोस्टोरमार्फत एक्सचेन्ज सुविधासमेत पाउने भएका छन् ।