महावीर पुनको चुनावी खर्च २८ लाख बढी, कुन शीर्षकमा कति गरे ?

काठमाडौँ । प्रतिनिधि सभामा म्याग्दीबाट स्वतन्त्र उम्मेदवारका रूपमा चुनाव लडेका महावीर पुनले आफ्नो निर्वाचन खर्च सार्वजनिक गरेका छन् ।

प्रतिनिधि सभा सदस्य निर्वाचन अन्तर्गत म्याग्दी क्षेत्र नम्बर १ बाट स्वतन्त्र उम्मेदवार बनेर निर्वाचन जितेका महावीरले निर्वाचन अवधिमा कुल २८ लाख ६८ हजार ८६८ रुपैयाँ खर्च भएको उल्लेख गरेका छन् ।

बिहीबार निर्वाचन आयोगमा पेस गरिएको विवरण अनुसार सबैभन्दा धेरै रकम होटलमा खाना बस्नका लागि खर्च भएको देखिन्छ । उनले यो शिर्षकमा १३ लाख ७ हजार ६१९ खर्च गरेको उल्लेख गरेका छन् ।

यस्तै, चालक ज्यालामा करिब १ लाख ४० हजार रुपैयाँ, यातायातमा ६ लाख ६० हजार ९९८ रुपैयाँ खर्च गरेको पुनले उल्लेख गरेका छन् ।