सुनचाँदीको भाउ सामान्य बढ्यो, कतिमा हुँदैछ कारोबार ?

काठमाडौँ । बिहीबार स्थानीय बजारमा सुनचाँदीको भाउ सामान्य बढेको छ । आज सुन तोलामा १०० रुपैयाँ र चाँदी तोलामा ३० रुपैयाँले बढेको हो ।

नेपाल सुनचाँदी व्यवसायी महासंघका अनुसार बिहीबार सुन प्रतितोला ३ लाख २ हजार ८०० रुपैयाँ कायम भएको छ । अघिल्लो कारोबार दिन बुधबार सुन प्रतितोला ३ लाख २ हजार ७०० रुपैयाँमा कारोबार भएको थियो ।

त्यसैगरी, बिहीबार चाँदी तोलामा ३० रुपैयाँले बढेसँगै प्रतितोला ५ हजार २५० रुपैयाँ कायम भएको महासंघले जनाएको छ । बुधबार चाँदी प्रतितोला ५ हजार २२० रुपैयाँमा कारोबार भएको थियो ।

नेपालमा अन्तर्राष्ट्रिय बजारका आधारमा सुनको मूल्य निर्धारण गर्ने गरिएको छ ।

बिहीबार अन्तर्राष्ट्रिय बजारमा सुन प्रतिऔंस ४ हजार ८३५.४४ अमेरिकी डलर र चाँदी ८०.७३ अमेरिकी डलरमा कारोबार भइरहेको छ ।