चुक्ता पूँजीको ५% भन्दा कम खुद वितरणयोग्य नाफा गर्ने बैंकलाई नगद लाभांशमा रोक

नेपाल राष्ट्र बैंकले बैंक तथा वित्तीय संस्थाहरुलाई लाभांश वितरणमा कडाई गरेको छ।

शुक्रबार सार्वजनिक गरिएको आर्थिक वर्ष २०७७/७८ को मौद्रिक नीति मार्फत केन्द्रीय बैंकले आर्थिक वर्ष २०७६/७७ मा कुल चुक्ता पूँजीको ५ प्रतिशत भन्दा कम खुद वितरणयोग्य मुनाफा आर्जन गर्ने इजाजतपत्र प्राप्त संस्थालाई नगद लाभांश वितरणमा रोक लगाइने व्यवस्था गरेको हो ।

यसैगरि बैंक तथा वित्तीय संस्थाहरुले खुद वितरणयोग्य मुनाफाको ३० प्रतिशतभन्दा धेरै लाभांश वितरण गर्न पनि रोक लगाइएको छ। खुद वितरणयोग्य मुनाफाको ३० प्रतिशतसम्म लाभांश वितरण गर्दा पनि उक्त संस्थाको २०७७ असार मसान्तमा कायम निक्षेपको भारित औसत ब्याजदर भन्दा बढी नहुने गरी मात्र वितरण गर्न पाइने व्यवस्था गरिएको छ ।

• मार्जिन लेण्डिङको सीमा ७०% कायम, १२० दिनको आधारमा औषत मूल्य गणना 

• कोरोना प्रभावित उद्योग व्यवसायका लागि चालु पूँजी २० प्रतिशत उपलब्ध हुने

• कोभिड–१९ को असरलाई केन्द्रमा राख्दै मौद्रिक नीतिमा गरिएका १० नीतिगत व्यवस्था यस्ता छन्