दसैँ आयो [तस्बिर कथा]

काठमाडौँ । दसैँघरमा घडा स्थापना गरी जमरा राखेसँगै यस वर्षको बडादसैँ सुरु भएकाे छ ।

प्रत्येक वर्ष आश्विन शुक्ल प्रतिपदामा सुरु हुने यस वर्षको बडादसैँ आज सुरु भएको हो । यो पर्व आश्विन शुक्ल पूर्णिमासम्म १५ दिन धुमधामसँग मनाउने गरिन्छ ।

बडादसैँको पहिलो दिन आज घरघरमा विधिपूर्वक दियो, कलश र गणेश स्थापनासहित घटस्थापना गरिएको छ । पूजाकोठा वा दसैँघरमा वैदिक विधिपूर्वक शक्तिकी अधिष्ठात्री देवी दुर्गाको आह्वान गरी पूजा आरम्भ हुन्छ ।

यसैबीच, हनुमानढोका दरबारस्थित दसैँ घरमा विधिपूर्वक घटस्थापना गरी जमरा राखिएको छ । नेपाल पञ्चांग निर्णायक विकास समितिले दिएको बिहान ९ः१६ बजेको साइतमा हनुमानढोका दरबार क्षेत्रको दसैँ घरमा वैदिक विधिपूर्वक घटस्थापना गरी जमरा राखिएको हनुमानढोका दरबार हेरचाह अड्डाका कार्यालय प्रमुख सन्दिप खनालले जानकारी दिए ।

यस्तै, गोरखा दरबारको दसैँघरमा पनि विधिपूर्वक जमरा राखिएको छ । मूल दरबारस्थित दसैँघर, कालिका र गोरखनाथ मन्दिरमा साइतमा जमरा राखिएको गोरखकाली मन्दिरका मूल पुजारी शारदाप्रसाद भट्टराईले जानकारी दिए ।

यस्तै, दसैँका लागि खसीबोका र च्या‌ंग्राकाे खरिदबिक्री पनि सुरु भइसकेकाे छ भने बजारमा भिडभाड बढेकाे छ ।

केही तस्बिरमा हेरौँ दसैँकाे चहलपहलः (तस्बिरहरू सबै : रासस)