वर्षकै सर्वाधिक ठूलो सेल दराज ११:११ को आयोजना हुँदै

काठमाडौँ। दराजले आफ्नो बहुप्रतिक्षित सेल दराज ११:११को आयोजना गर्दैछ। नेपालमा बर्षकै ठूलो सेलका रुपमा परिचित दराज ११:११ यस बर्ष, नोभेम्बर ११ देखि २१ सम्म आयोजना हुने भएको छ।

बहुप्रतिक्षित यस सेलमा थप आकर्षण थप्न यस वर्ष फ्ल्याश सेलमार्फत ८० प्रतिशतसम्म छुट, देशभर निःशुल्क डेलिभरी सुविधा, र ३ करोड रुपैयाँ सम्मका भौचरहरुका साथै अविश्वसनिय छुट लगायत सुविधाहरु समेत उपलब्ध हुनेछन्।

“ग्राहकहरुको बर्ष भरीको प्रतिक्षालाई सार्थक पार्ने सोचका साथ यस वर्षको दराज ११:११ सेलमार्फत हामीले हाम्रा ग्राहकहरुलाई अद्वितीय किनमेल अनुभव प्रदान गर्ने लक्ष्य लिएका छौं,’ प्रबन्ध निर्देशक, दराज नेपाल, आँचल कुँवरले बताइन्।

“यस सेलले ग्राहकहरुका लागि अप्रत्याशित छुटहरु उपलब्ध गराउनुका साथै हजारौं स्थानीय विक्रेताहरुलाई आफ्ना पृथक उत्पादनहरु प्रदर्शित गर्ने मौका प्रदान गर्नेछ । साथै, हाम्रो बृहत्त सञ्जाल मार्फत देशभरका उपभोक्ताहरु माझ तिनका पृथक उत्पादनहरु उपलब्ध गराउन तथा उपभोक्ताहरुलाई स्थानीय ब्राण्डहरुको उत्कृष्ट सामानहरू खोज्न सघाउने हाम्रो विश्वास छ।’

विविध सामग्रीहरुका विस्तृत श्रृंखला र ब्राण्डेड उत्पादनहरु मध्य विशाल छनौटको अवसरसँगै, दराज ११:११ किनमेलको लागि एक अतुलनिय गन्तव्य हो। यस वर्षको दराज ११:११ सेलका लागि दराज नेपालले सात ओटा डाइमन्ड ब्राण्ड पार्टनरहरु राखेको छ, जसमा सेटाफिल, रोहोतो मेन्थोलाटम, मसलब्लेज, जुभारा, बोट, एडिडास, र बाल्ट्रा समावेश छन् । प्लेटिनम पार्टनरहरुमा टेक्नो, परफेट्टी, ग्रीनलाइफ एक्स्पिरियन्स, एंकर्स, डा। शेत, र एवीबी रहेका छन्। साथै, गोल्ड ब्राण्ड पार्टनरहरुमा भ्यान्स, मुनस्टार, अस्तावुल्फ, ईप्लाजा, मामाअर्थ, पिलग्रिम, र जेब्रोनिक्स रहेका छन्।

यसैगरी, दराजले १० ओटा बैंक र २ ओटा वालेट पार्टनरहरुसँग मिलेर ११:११ सेलमा प्रिपेमेन्ट मार्फत २५०० रुपैयाँसम्मको छुटहरु प्रदान गर्ने व्यवस्था पनि गरेको छ। यी बैंकका डेबिट कार्डहरु मार्फत डिजिटल प्रिपेमेन्ट गर्दा ग्राहकहरुले १५ प्रतिशत छुट, अधिकतम दुई हजार रुपैयाँसम्म, प्राप्त गर्न सक्ने दराजले जानकारी दिएको छ। साथै, क्रेडिट कार्ड प्रयोग गर्ने ग्राहकहरुले २०५ छुट, अधिकतम २ हजार ५०० सम्म प्राप्त गर्न सक्ने ब्यवस्था गरिएको छ।

ग्राहकहरु नबिल बैंक, हिमालयन बैंक, सनिमा बैंक, एभरेस्ट बैंक, एनएमबी बैंक, माछापुच्छ्रे बैंक, सिटिजन्स बैंक, नेपाल बैंक, ज्योति विकास बैंक, र महालक्ष्मी विकास बैंक मार्फत उपर्युल्लिखित छुट पाउन सक्नेछन् । त्यस्तै, आफ्नो ई–सेवा र आईएमई पे वालेट मार्फत प्रिपेमेन्ट गर्ने ग्राहकहरुले पनि दराज ११।११ को विभिन्न समयमा छुट प्राप्त गर्न सक्नेछन्।

यी रोमाञ्चक अफरहरुका साथै, यस अभियान मार्फत दैनिक रुपमा  ११ रुपैयाँ,  १११ रुपैयाँ र ११११ रुपैयाँका डिलहरु पनि सेलमा रहनेछन् । खरिदकर्ताहरुले ६९९ रुपैयाँ, ९९९ रुपैयाँ, १ हजार ९९९ रुपैयाँ र २ हजार ९९९ रुपैयाँभन्दा कममा उत्कृष्ट डिल्स पाउन सक्नेछन् । साथै, दराज ११।११ सेल अवधिभर कम्तिमा ३५०० रुपैयाँको सामग्री खरिद गर्ने एक भाग्यशाली खरिदकर्ताले प्यानासोनिकको ३५ हजार रुपैयाँ मूल्य बराबरको घरायसी सामग्रीको सेट जित्न सक्नेछन् । थप पाँच जना ग्राहकहरुले कामाख्या डेकोर, बागमती प्लास्टिक्स, सेटाफिल, मामाअर्थ, र जिना अल्केमीका तर्फबाट आकर्षक गिफ्ट ह्याम्परहरु पनि जित्न सक्नेछन् ।

२०१५ मा स्थापित, दराज दक्षिण एशियाकै अग्रणी ई(कमर्स प्लेटफर्म हो । दराजले पाकिस्तान, बंगलादेश, श्रीलङ्का, नेपाल, र म्यानमारमा आफ्नो सेवा प्रदान गर्दै आइरहेको छ । यसले विक्रेता र उपभोक्ताहरुलाई अत्याधुनिक मार्केटप्लेस टेक्नोलोजी प्रदान गर्दछ ।

कम्पनीको मूल उद्देश्य, ५० करोड मानिसको द्रुत गतिमा बढिरहेको क्षेत्रमा सेवा पु¥याउनु हो । ई–कमर्स, लजिस्टिक्स, भुक्तानी, र वित्तीय सेवाहरुको एकीकृत पूर्वाधार निर्माण गरेर, कम्पनीले एक अद्वितीय, व्यक्तिगत किनमेल अनुभव प्रदान गर्न र दक्षिण एशियाका समुदायहरुलाई व्यापारको शक्तिको माध्यमबाट उत्थान गर्ने लक्ष्य लिएको छ ।