सेतो आलुको प्रतिकेजी मूल्य ५५ रुपैयाँ

काठमाडौं । कालीमाटी तरकारी तथा फलफूल बजारमा सेतो आलुको प्रतिकेजी न्यनतम मूल्य ५५ रुपैयाँ तोकिएको छ । रातो आलु ७० रुपैयाँमा कारोबार भइरहेको छ । त्यस्तै भारतीय रातो आलु ६५ रुपैयाँ रहेको छ ।

आज ठूलो गोलभेँडा अधिकतम १०० र सानो गोलभेँडा ७० रुपैयाँ तोकिएको छ भने प्याजको प्रतिकेजी न्यूनतम मूल्य १०५ रुपैयाँ तोकिएको छ । यस्तै, आज स्थानीय काउली १००, लाम्चो भन्टा ५०, रातो मूला ४५, डल्लो भन्टा ७०, तने बोडी १५०, मकै बोडी ८०, घिउ सिमी १२० रुपैयाँ तोकिएको छ ।

यस्तै, तिते करेला १००, लौका ९०, भिण्डी १६०, बरेला ५०, इस्कुस २०, रायो साग ५०, पालुंगो साग १००, चमसुर साग १२० रुपैयाँ प्रतिकिलोमा कारोबार भइरहेको छ ।

मंगलबार कुन तरकारीको भाउ कति ?