चार लघुवित्तलाई गाभेको एनआरएन लघुवित्तले एफपीओ जारी गर्ने

विभिन्न चार लघुवित्त संस्थाहरुलाई गाभेर विशाल बन्ने क्रममा रहेको एनआरएन लघुवित्त वित्तीय संस्थाले सर्वसाधारणका लागि थप साधराण शेयर निष्काशन अर्थात एफपीओ गर्ने भएको छ ।

संस्थाले एफपीओ निष्काशनको प्रस्ताव राखेर आगामी भदौ २० गते धनगढीमा विशेष साधारण सभा आह्वान गरेको छ । उक्त साधारण सभाबाट कम्पनीले एफपीओ निष्काशनको प्रस्ताव पारित गर्नेछ । तर एफपीओको कित्ता भने खुलाइएको छैन् । 

एनआरएन लघुवित्त वित्तीय संस्थाले किसान माइक्रोफाइनान्स र दिव्य लघुवित्त वित्तीय संस्था लिमिटेडलाई गाभेर गत असार २९ गतेदेखि एकिकृत कारोबार थालेको थियो।

यसअघि लघुवित्तले क्रिएटिभ र रामारोशन लघुवित्त वित्तीय संस्थालाई आफुमा गाभेको थियो ।

नेपाल स्टक एक्सचेञ्जमा सूचीकृत नरहेको एनआरएन लघुवित्तले स्थापनाको एक वर्षमा नै ४ वटा लघुवित्त संस्थाहरुसँग मर्जर सम्पन्न गरेर सबल बन्ने तयारी गरेको छ।

विशेष साधारण सभाले संस्थाको नाम र ठेगाना परिवर्तन गर्ने, कर्पोरेट कार्यालय काठमाडौंमा स्थापना गर्ने तथा संचालक चयन गर्ने  लगायतका एजेण्डा पारित गर्नेछ ।

संस्थाको ५२ करोड रुपैयाँ चुक्ता पूजी सहित १३० भन्दा बढि शाखा पुगेको छ । एक लाख सदस्य रहेको संस्थाले सात वटै प्रदेशमा उपस्थिती जनाउन सफल हुनेछ। संस्थाले १ अर्ब पूँजी सहितको राष्ट्रियस्तरको लघुवित्तका रूपमा स्थापित हुने लक्ष्य लिएको छ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।