सोमबार सुनको मूल्य तोलाको १२ सय रुपैयाँले घट्यो

सोमबार सुनको मूल्य १२०० रुपैयाँले घटेको छ । आइतबार ४०० रुपैयाँले घटेको सुनको भाउ सोमबार १२०० रुपैयाँले घटेको हो ।

नेपाल सुनचाँदी व्यवसायी महासंघका अनुसार सोमबार छापावाला सुनको भाउ प्रतितोला एक लाख ४९ हजार ३०० रुपैयाँमा कारोबार भइरहेको छ । आइतबार छापावाला सुनको भाउ प्रतितोला एक लाख ५० हजार ५०० रुपैयाँमा कारोबार भएको थियो ।

महासंघका अनुसार आइतबार प्रतितोला १ हजार ८४० रुपैयाँमा कारोबार भएको चाँदी आज प्रतितोला १ हजार ८१५ रुपैयाँमा कारोबार भइरहेको छ ।

नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ । सोमबार अन्तर्राष्ट्रिय बजारमा सुन प्रतिऔंस २ हजार ६२७.६१ अमेरिकी डलर र चाँदी प्रतिऔंस ३०.१९ डलरमा कारोबार भइरहेको छ ।