बुधबार ८८५ कोरोना संक्रमित थपिए , थप ११ जनाको मृत्यु

नेपालमा बुधबार ८८५ कोरोना संक्रमित थपिएका छन् । यससँगै नेपालमा कुल संक्रमितको संख्या ३४ हजार ४१८ पुगेको छ । जसमध्ये सक्रिय संक्रमित १४ हजार ७३९ जना छन् ।

थपिएका ८८५ मध्ये काठमाडौं उपत्यकामा ३०१ जनामा कोरोना संक्रमण पुष्टि भएको हो । स्वास्थ्य तथा जनसंख्या मन्त्रालयका अनुसार काठमाडौंमा २३०, ललितपुरमा ४७ र भक्तपुरमा २४ जनामा संक्रमण पुष्टि भएको छ ।

त्यस्तै पछिल्ले २४ घण्टामा थप ३८५ जना कोरोना संक्रमित निको भएका छन्। योसँगै नेपालमा कोरोनामुक्त हुनेको संख्या १९ हजार ५०४ पुगेको छ।
हालसम्म देशभर ६ लाख ३५ हजार २५२ जनाको पीसीआर परीक्षण गरिएको छ। अहिले जम्मा सक्रिय संक्रिमतमध्ये ६ हजार २८ जना होम आइसोलेसनमा छन् भने ८ हजार ७११ जना संस्थागत आइसोलेसनमा छन्। ।

बुधबार थप ११ जनाको कोरोना संक्रमणबाट मृत्यु भएको छ । यो सँगै हालसम्म कोरोनाबाट ज्यान गुमाउनेको संख्या १७५ पुगेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।