श्रीलङ्काको पर्यटन आम्दानी ५३ प्रतिशतले वृद्धि,२०२५ मा ५ अर्ब डलर पर्यटन राजस्वको लक्ष्य

श्रीलङ्काले सन् २०२४ मा पर्यटनबाट करिब ३।१७ करोड अमेरिकी डलर कमाएको श्रीलङ्काको केन्द्रीय बैङ्क (सिबीएसएल) को पछिल्लो तथ्याङ्कले देखाएको छ ।

यो सन् २०२३ को पर्यटन आम्दानीको तुलनामा ५३.२ प्रतिशतले वृद्धि हो । जुन करिब दुई अर्ब सात करोड डलर रहेको तथ्याङ्कले देखाएको छ ।

सिबीएसएल तथ्याङ्कले सन् २०२४ मा २० लाखभन्दा बढी पर्यटकले श्रीलङ्का भ्रमण गरेको देखाएको छ । जुन २०२३ को तुलनामा ३८.१ प्रतिशतले बढेको छ ।

श्रीलङ्का सरकारले सन् २०२५ मा ३० लाख पर्यटक भित्र्याएर पाँच अर्ब डलर पर्यटन राजस्वको लक्ष्य राखेको छ ।