सुनको भाउमा दोस्रो दिन पनि उच्च गिरावट, बुधबार १ हजार २०० रुपैयाँले घट्यो

सुनको भाउ बुधबार तोलामा १ हजार २०० रुपैयाँले घटेको छ । मंगलबार १ हजार ७०० रुपैयाँले घटेको सुनको भाउमा बुधबार पनि उच्च गिरावट आएको हो । विश्व बजारमा सुनको भाउ सस्तिदाँ नेपाली बजारमा पनि पछिल्लो दुई दिनमा मात्रै सुनको भाउ २ हजार ९०० रुपैयाँले घटेको छ ।

नेपाल सुनचाँदी व्यवसायी महासङ्घले बुधबारका लागि छापावाल सुनको मूल्य प्रतितोला ९४ हजार ३०० रुपैयाँ र तेजाबी सुनको मूल्य ९३ हजार ८०० रुपैयाँ निर्धारण गरेको छ । यस्तै चाँदीको भाउ पनि तोलामा ४० रुपैयाँ घटेको छ । आजका लागि महासंघले चाँदीको भाउ तोलाको १ हजार १९० रुपैयाँ तोकेको छ ।

मंगलबार छापावाल सुन प्रतितोला ९५ हजार ५०० रुपैयाँ र तेजाबी सुन ९५ हजार रुपैयाँमा कारोबार भएको थियो । यस्तै चाँदी प्रतितोला १ हजार २३० रुपैयाँमा कारोबार भएको थियो ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।