पछिल्लो २४ घण्टामा १३५१ जनामा कोरोना पुष्टि, थप चार जनाको मृत्यु

नेपालमा पछिल्लो २४ घण्टामा एक हजार ३५१ जनामा कोरोना पुष्टि भएको छ । योसँगै कोरोना संक्रमितको कुल संख्या ७४ हजार ७४५ पुगेको छ ।

पछिल्ला २४ घण्टामा १० हजार ८० पीसीआर परीक्षण भएको स्वास्थ्य मन्त्रालयले जनाएको छ । योसँगै मुलुकमा कुल नौ लाख ९८ हजार ४०७ पीसीआर परीक्षण भइसकेको छ । हालसम्म सक्रिय संक्रमितको संख्या १९ हजार ६२४ छ।
य

 पछिल्लो २४ घण्टामा कोरोना निको भएर डिस्चार्ज हुनेको संख्या ७४२ छ । हालसम्म भने देशभरमा कोरोना मुक्त हुने ५४ हजार ६४० जना छन ।

स्वास्थ्य मन्त्रालयका अनुसार क्वारेन्टिनमा ६ हजार ३१० जना छन भने संस्थागत आइसोलेसनमा आठ हजार ६९५ जना र होम आइसोलेसनमा १० हजार ९२९ जना रहेका छन ।

सोमबार काठमाडौं उपत्यकामा ८१७ जना कोरोना संक्रमित थपिएका छन् । तीमध्ये काठमाडौंका ६४९ जना, ललितपुरका १३२ जना, भक्तपुरका ३६ जना रहेका छन् ।

सोमबार नेपालमा थप चार जनाले कोरोना संक्रमणका कारण ज्यान गएको छ । अहिलेसम्म संक्रमणका कारण निधन हुनेको कुल संख्या ४८१ पुगेको छ ।

समग्र अर्थतन्त्र र शेयर बजारको नियमित अपडेटका लागि नोटबजार डटकमको फेसबुक पेजका साथै ट्वीटर र युट्युबमा फलो गर्न सक्नुहुन्छ ।