शेयर बजारमा दोहोरो अंकको वृद्धि, ६ कम्पनीमा सर्किट लाग्दा पुनर्बीमा कम्पनीको उच्च कारोबार

साताको पहिलो कारोबार दिन नेप्से परिसूचक दोहोेरो अंकले बढेको छ । दोहोरो अंकले बढेको बजारमा ६ कम्पनीको शेयरमूल्य करिब १० प्रतिशतले बढेको छ भने कारोबार रकम साढे ३ अर्ब नाघेको छ ।

आइतबार नेप्से १२.४९ अंकले बढेर १ हजार ६४८ दशमलव ५८ बिन्दुमा पुगेको हो। यस्तै ५० करोडभन्दा धेरै पूँजी भएका ठूला कम्पनीको सूचक मापक सेन्सेटिभ इण्डेक्स १.५७ अंकले वृद्धि हुँदै ३२५ दशमलव ९४ अंकमा अडिएको छ ।

आज १९८ कम्पनीका १ करोड ८ लाख ६३ हजार कित्ता शेयर ४१ हजार ७६७ पटक खरीद बिक्री हुँदा कारोबारमा ३ अर्ब ५२ करोड ६७ लाख ७७ हजार रुपैयाँ पुगेको छ ।

• दश उपसमूहको परिसूचक बढ्यो

आइतबार कारोबारमा आएका १२ उपसमूहमध्ये दश उपसमूहको परिसूचक बढेको छ । २ उपसमूहको परिसूचक मात्र घटेको छ।

आज व्यापार उपसमूहको परिसूचक सर्वाधिक ८.५८ प्रतिशत बढेको छ भने उत्पादनमूलक ४.०४, अन्य २.६३ प्रतिशत, हाइड्रोपावर २.१४, होटलको १.५८ र म्युचुअल फण्डको परिसूचक १.४१ प्रतिशत बढेको छ । आजको बजारमा विकास बैंक ०.३२ र बैंकिङ्ग इन्डेक्स भने ०.०९ प्रतिशतले घट्न पुग्यो ।

• नेपाल पुनर्बीमा कम्पनीको उच्च कारोबार

आइतबार नेपाल पुनर्बीमा कम्पनीको सर्वाधिक कारोबार भएको छ । यस कम्पनीको २५ करोड ९२ लाख २ हजार रुपैयाँ बराबरको शेयर खरीद बिक्री भएको हो ।

यसैगरी कारोबार रकमका आधारमा हिमालयन डिष्टिलरी दोस्रो स्थानमा रहेको छ ।कम्पनीको १५ करोड ९६ लाखको कारोबार हुँदा शिखर इन्स्योरेन्सको १२ करोड ३० लाख, अपि पावरको १२ करोड ८ लाख, बैंक अफ काठमाण्डूको १० करोड ४८ लाख र शिवम् सिमेन्ट्सको १० करोड ३५ लाख रुपैयाँको कारोबार भयो।

हिमाल दोलखा, अरुण भ्याली, एनटिसी र अरुण काबेली पावर शीर्ष कारोबार हुने दश कम्पनीमा समेटिएका छन् ।

• ६ कम्पनीको शेयरमूल्यमा सर्किट

आइतबार ६ कम्पनीको शेयर सकारात्मक सर्किट लागेको छ । सबै कम्पनीको शेयरमूल्य ९ प्रतिशत धेरैले बढेका छन् ।

आजको बजारमा हिमालयन डिष्टिलरी, साल्ट ट्रेडिङ्ग कर्पोरेशन, दिब्यश्वरी हाइड्रो, मिथिला लघुवित्त, युनिभर्सल पावर कम्पनी, र सानिमा जनरल इन्स्योरेन्सको शेयरमूल्यमा सकारात्मक सर्किट लागेको हो ।

माउन्टेन हाइड्रो, बरुण हाइड्रोपावर, लक्ष्मी उन्नति कोषको इकाई, र कालिका पावरको शेयरमूल्ष्य पनि आज ७ प्रतिशत धेरैले बढेको छ ।

• नेपाल फाइनान्स शीर्ष गुमाउने कम्पनी

आइतबार नेपाल फाइनान्स कम्पनीके शेयरमा लगानी गरेकाले सबैभन्दा धेरै गुमाएका छन् । कम्पनीको शेयरमूल्य ३.५७ प्रतिशत घटेको हो ।

यसैगरी सिभिल लघुवित्त, गुराँस लघुवित्त, नेपाल इन्भेष्टमेन्ट बैंक संस्थापक, समीट माइक्रो, स्वाभिमान माइक्रो, नेपाल सेवा, एनआईसी एशिया संस्थापक शेयर, नबिल ब्यालेन्स्ड फण्ड २, र प्राइम कमर्सियल बैंकको शेयरमूल्य घटेको छ । सबै कम्पनीको साढे १ प्रतिशतले शेयरमूल्य घटेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।