सिटिजन्स बैंकले सिर्जना फाइनान्सलाई प्राप्ति गर्ने, शेयर स्वाप डिडिएबाट निर्धारण गर्ने सम्झौता

सिटिजन्स बैंक इन्टरनेसेनलले सिर्जना फाइनान्सलाई प्राप्ति गर्ने भएको छ।

बुधबार विराटनगरमा आयोजित एक कार्यक्रममा एक्विजिशन सम्बन्धी सम्झौताम हसताक्षर भएको छ ।

उक्त सम्झौतामा बैंकका संचालक तथा मर्जर तथा प्राप्ति समितिका संयोजक प्रवलजंग पाण्डे र सिर्जना फाइनान्सका संचालक तथा मर्जर तथा प्राप्ति समितिका संयोजक सुवास आचार्यले सम्झौतापत्रमा हस्ताक्षर गरेका छन् ।

बैंकले फाइनान्सलाई गाभे पछि निक्षेप संकलन १ खर्ब ३४ अर्ब रुपैयाँ पुग्नेछ भने ऋण लगानी १ खर्ब ११ अर्ब रुपैयाँ पुग्नेछ । प्राप्ति पश्चात बैंकको कुल शाखा संख्या १८८ हुनेछ । हाल बैंकको प्रदेश नं १ मा १३ वटा शाखा रहेकोमा फाइनान्सलाई गाभे पछि उक्त प्रदेशमा बैंकको शाखा संख्या २७ पुग्नेछ भने प्रदेश नं २ मा २१ वटा शाखाहरु रहेकोमा प्राप्ति पश्चात् २८ वटा शाखाहरु हुनेछन् ।

शेयर स्वाप रेसियो विस्तृत मूल्यांकन प्रतिवेदन (डीडीए) द्वारा निर्धारण गर्ने सहमति भएको छ। बैंकले तिनाउ मिसन डेभलपमेण्ट बैंकलाई पनि प्राप्ति गर्ने प्रक्रियामा रहेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।