सरकारले ६ महिनामा कुन शिर्षकमा कति दियो कर छुट ?

काठमाडौँ । सरकारले चालु आर्थिक वर्ष २०८२/८३ को ६ महिनामा विभिन्न शीर्षकमा भारी छुट दिएको छ । अर्थ मन्त्रालयले ६ महिनाको अवधिमा ५३ अर्ब ४० करोड रुपैयाँ बराबर कर छुट दिएको हो ।

मन्त्रालयले सबैभन्दा बढी कर छुट आर्थिक ऐनले दिएको कर राजस्वमा छुट दिएकोछ । उक्त शिर्षकमा कुल ५५ करोड ५७ लाख राजस्व छुट दिएको छ । यस अवधिसम्म वस्तु आयातमा भने कुल ५२ अर्ब ५४ करोड बराबर राजस्व छुट दिइएको छ भने वस्तु पैठारीमा कुल २९ अर्ब ७० करोड ३३ लाख बराबर छुट दिइएको छ ।

यस्तै, भन्सार ऐन २०६४ को दफा ९ अनुसार कूटनीतिक सुविधा अन्तर्गत पैठारी भएका मालवस्तुमा यस अवधिमा ४८ करोड २९ लाख बराबर राजस्व छुट दिइएको छ । सोही दफाको महसुल सुविधा अन्तर्गत पैठारी भएका वस्तुमा ४ करोड २१ लाख बराबर छुट दिइएको छ ।

आर्थिक ऐन २०८२ को दफा १८ (३) अनुसार नेपाल सरकार वा लगानी बोर्डसँग भएको आयोजना विकास सम्झौता बमोजिम परियोजना विकासका लागि आयोजना वा आयोजनाले नियुक्त गरेका ठेकेदारका नाममा पैठारी भएका मालवस्तुमा १ अर्ब ४९ करोड ७८ लाख छुट दिइएको छ ।

आर्थिक ऐन २०८२ को दफा १८ ९२० अनुसार मुनाफारहित सार्वजनिक तथा सामुदायिक संस्था, नेपाल सरकार, प्रदेश सरकार, स्थानीय तह र नेपाल सरकारको स्वामित्व भएका संस्थाले आयात गरेका मालवस्तुमा ९५ करोड ५ लाख रुपैयाँ बराबर छुट दिइएको छ ।

भन्सार महसुल ऐन २०८२ को दफा ११ अनुसार साफ्टा सुविधा अन्तर्गत पैठारी भएका मालवस्तुमा दिइएको छुट रकम २ अर्ब ७६ करोड ९६ लाख रुपैयाँ बराबर छ । भन्सार महसुल ऐनका विभिन्न दफा अन्तर्गत दिइएका छुट रकम १७ अर्ब ४० करोड ३३ लाख छ ।

उता, आर्थिक ऐन २०८२ अन्तर्गत कुल ३ हजार ४ सय ७७ करदाताले ५५ करोड ५७ लाख बराबर छुट पाएको मन्त्रालयले जनाएको छ ।