किसान लघुवित्तको नेप्सेलाई स्पष्टीकरणः राष्ट्र बैंकको परामर्शबाटै हकप्रद प्रस्ताव हटाइएको हो

किसान लघुवित्तले साधारण सभाको विशेष प्रस्तावमा अघिल्लो दिन शतप्रतिशत हकप्रद निष्काशनको विशेष प्रस्ताव राखेर सभा आह्वान गरेर दोस्रो दिन हटाइएको सम्बन्धमा नेप्सेले सोधेको प्रश्नको स्पष्टीकरणः बुझाएको छ ।

उक्त स्पष्टिकरणमा लघुवित्तको पूँजीकोष प्रयाप्त नभएकाले मर्जर, हकप्रद निष्काशन, र पुनः थप शेयर निष्काशनजस्ता एजेण्डामा सञ्चालक समितिको बैठकमा छलफल हुँदा हकप्रद निष्काशनका लागि सम्बन्धीत नियकायसँग परामर्श गरेर मात्र अगाडि बढ्ने निर्णय भएको र कम्पनी ऐन अनुसार साधारण सभाभन्दा २१ दिन अगावै साधारण सभाको सूचना प्रकाशन गर्नुपर्ने प्रावधान रहेको तर सो दिन विदा परेका कारण हकप्रद शेयरको प्रस्ताव सहितको सूचना प्रकाशन भएको प्रष्टिकरण दिएको छ ।

दोस्रो दिन नेपाल राष्ट्र बैंकको परामर्श गर्दा उक्त प्रस्ताव हटाउन सुझाव आएकाले सो लाई संसोधन गरी चैत ९ गते पुनः साधारण सभाको सूचना प्रकाशन गरेको लघुवित्तले जनाएको छ ।

प्रमुख कार्यकारी अधिकृत इन्द्र कुमार शाहले दिएको स्पष्टिकरणमा निर्णय भएको दिन विदा भएको, दोस्रो दिन अपलोड गर्न सूचना परिवर्तन गर्नुपर्ने र नेप्सेमा रहेको पुरानो किसान माइक्रोफाइनान्सको लगइनले काम नगरी नाम परिवर्तनका कारण नयाँ लगइन आईडि लिएर अपलोड गर्दा ढिला भएको जनाएका छन् ।

प्रष्टिकरणमा लघुवित्तको शेयर कारोबारमा कुनै किसिमको प्रभाव पार्ने गलत मनसाय पनि नरहि मानवीय त्रुटीका कारण सर्वसाधारण लगानीकर्ता र नियामक निकायमा पर्न गएको असरका लागि क्षमायाचना गरिएको छ । कम्पनीले आगामी दिनमा यस्ता कमीकमजोरी नदोहोर्याउने प्रतिबद्दता समेत जनाएको छ । 

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।