स्वास्थ्य प्रणालीले थेग्नै नसक्ने गरी कोरोना संक्रमण बढ्यो, सुरक्षित रहन मन्त्रालयको अपिल

स्वास्थ्य तथा जनसंख्या मन्त्रालयले देशभरका २२ जिल्लामा कोरोना भाइरस संक्रमणको दोस्रो लहर बढेको भन्दै सम्पूर्ण जनतामा स्वास्थ्य सतर्कता अपनाउन आग्रह गरेको छ ।

मन्त्रालयले नेपालको स्वास्थ्य प्रणलीले नै थेग्न नसक्ने कोभिड १९ को संक्रमणको उच्च चाप बढेको भन्दै सुरक्षित रहन अपिल गरेको हो । मन्त्रालयका अनुसार कोभिड संक्रमणका बिरामीलाई अस्पतालमा राखेर हेरचाह गर्ने अस्पताल शैया उपलब्ध गराउन नसकिने अवस्था उत्पन्न भैसकेको छ ।

अहिले नेपालका ७७ जिल्लाहरु मध्य २२ जिल्लाहरुमा उच्च जोखिम रहेका मन्त्रालयले जनाएको छ । कोभिड १९ संक्रमणका हिसाबले मोरङ, सुनसरी, झापा, पर्सा, बारा, धनुषा, काठमाण्डौ, भक्तपुर, ललितपुर, चितवन, मकवानपुर, काभ्रेपलाञ्चोक, कास्कि, दाङ, बाँके, रुपन्देही, पाल्पा, बर्दिया, कपिलबस्तु,सुर्खेत, कैलाली र कञ्चनपुर जिल्ला कोभिडबाट उच्च प्रभावित छन् ।

कुनैपनि मार्गबाट देश विदेश जाने आउने वा आन्तरीक बाह्य पर्यटक कहीँ कतै जाने कामहरु, सार्वजनिक स्थलहरुमा जाने भीडभाड गर्ने कामहरु बन्द गर्ने मन्त्रालयले आग्रह समेत गरेको छ ।

संक्रमण रोकथाममा जनस्वाश्थ्यका मापदण्डहरु मास्क, भौतिक दूरी कायम, बेला बेलामा साबुन पानीले हात धुनु नै उत्तम हुने मन्त्रालयले जनाएको छ ।

स्वास्थ्य तथा जनसंख्या मन्त्रालयका अनुसार बिहीबार एकैदिन ४ हजार ९२९ जनामा कोरोना भाइरस संक्रमण पुष्टि हुँदाउपत्यकामा मात्रै १ हजार ५६१ जनामा संक्रमण पाइएको थियो । यस्तै बिहीबर कोरोना भाइरस संक्रमण कोभिड १९ का कारण एकैदिन हालसम्मकै बढी ३५ जनाले कोभिडबाट मृत्यु बरण गरेका थिए ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।