हिमाल दोलखाको आइपिओमा आवेदन गर्ने आज अन्तिम दिन, सर्वसाधारणलाई ७४ लाख ९३ हजार कित्ता

हिमाल दोलखा हाइड्रोपावर कम्पनीले गत असार २५ गतेदेखि निष्कासन गरेको आइपिओमा आवेदन गर्ने आज अन्तिम दिन हो । छोटो अवधिमा सबै आईपीओ बिक्री नभएपछि कम्पनीले लामो अवधि साउन २४ गतेसम्म आवेदन गर्न पाउने व्यवस्था गरेको थियो ।

हिमाल दोलखा हाइड्रोपावरले यस अघि स्थानीयले नकिनेको शेयर समेत गरेर कुल ७६ करोड ७२ लाख रुपैयाँ बराबरको ७६ लाख ७२ हजार २१० कित्ता शेयर आईपीओ जारी गरेको हो ।

निष्काशित ७६ लाख ७२ हजार २१० कित्ता शेयरमध्ये कम्पनीका कर्मचारीलाई एक लाख ५३ हजार ४४४ कित्ता तथा म्युचुअल फण्डलाई २५ हजार कित्ता शेयर छुट्याइएको छ । बाँकी ७४ लाख ९३ हजार ७६६ कित्ता सर्वसाधारणलाई बिक्री गरिनेछ ।

कम्पनीको धितोपत्र निष्कासन तथा बिक्री प्रबन्धकमा ग्लोबल आइएमई क्यापीटल रहेको छ । उक्त सेयरमा आवेदन दिनको लागिग सि–आस्वा सदस्य बैंक तथा वित्तिय संस्था र तिनका शाखा कार्यालयहरुबाट तथा मेरो शेयर मार्फत समेत दरखास्त दिन सकिने रहेको छ ।

आईपिओमा न्यूनतम १० कित्ताका लागि एक हजार रुपैयाँदेखि अधिकतम एक लाख कित्ता अर्थात एक करोड रुपैयाँसम्म माग गर्न सकिनेछ । आईपिओमा असार २९ गतेसम्म आवेदन दिन पाइनेछ ।

आगामी वर्ष बाटै लाभांश दिने हिमाल दोलखाको दाबी, साउन २४ गतेसम्म आईपीओ भर्न पाईने

हाल कम्पनीको चूक्ता पूँजी १ अर्ब ६९ करोड रुपैयाँ छ । आइपिओपछि कम्पनीको चुक्ता पूँजी दुई अर्ब ४७ करोड पुग्नेछ । जसमा संस्थापक शेयरधनीको हिस्सा ५१.२५ प्रतिशत तथा साधारण शेयर धनीको हिस्सा ४८.७५ प्रतिशत कायम हुनेछ ।

क्रेडिट रेटिङ कम्पनी केयर रेटिङ नेपालले यो आइपीओलाई ‘ग्रेड ४’ रेटिङ दिएको छ ।

इलाममा हिमालका दुई वटा आयोजना निर्माणधीन छन् । जसमा माई खोला स्मल हाइड्रोपावर ४.५५ मेगावाट र माई खोला स्मल क्यास्केड हाइड्रोपावर ८ मेगावाट छन् । कम्पनीले केबिएनआर इशुवा पावर लिमिटेड (९७.२ मेगावाट) मा १९ प्रतिशत शेयर लगानी गरेको छ ।