सिर्जना फाइनान्सलाई २७ करोड ६४ लाख बराबरको हकप्रद बिक्री गर्न अनुमति

सिर्जना फाइनान्सले नेपाल धितोपत्र बोर्डबाट कुल २७ करोड ६४ लाख ६९ हजार २०० रुपैयाँ बराबरको हकप्रद शेयर बिक्री गर्ने अनुमति पाएको छ । कम्पनीले हाल कायम चुक्ता पूँजीको ६० प्रतिशत हकप्रद शेयर बिक्री गर्नेछ ।

हाल फाइनान्सको चुक्ता पुँजी ४६ करोड ८ लाख रुपैयाँ छ । १०ः६ अनुपातमा २७ लाख ६४ हजार ६९२ कित्ता हकप्रद शेयर बिक्री गरेपछि चुक्ता पुँजी ७३ करोड ७३ लाख रुपैयाँ पुग्नेछ ।

गत आर्थिक वर्षमा कम्पनीले १५ करोड ७३ लाख रुपैयाँ खुद नाफा कमाएर प्रतिशेयर आम्दानी ३४ रुपैयाँ १४ पैसा कायम गरेको छ । जसको प्रतिशेयर नेटवर्थ १५६ रुपैयाँ ३९ पैसा छ ।