सोमबार १७ कम्पनीका शेयर लगानीकर्ता भए मालामाल

सोमबारको शेयर बजारबाट १७ कम्पनीका शेयर लगानीकर्ताले कुस्त नाफा आर्जन गरेका छन् । यी कम्पनीको शेयरमूल्य ९ प्रतिशतभन्दा धेरैले बढेर कारोबार भएको हो ।

आजको कारोबारमा पोखरा फाइनान्स, सेन्ट्रल फाइनान्स र आइसिएफसि फाइनान्सको शेयरमूल्य १० प्रतिशतले बढेको छ ।

यसैगरी कामना सेवा विकास बैंकको ९.९८ प्रतिशत, श्री इन्भेष्टमेन्ट फाइनान्सको ९.९७, गुडविल फाइनान्सको ९.९६, जानकी फाइनान्सको ९.९५, गुहेश्वरी मर्चेन्ट बैंकिङ्ग एण्ड फाइनान्सको ९.९५, गोर्खाज फाइनान्सको ९.९५, मञ्जुश्री फाइनान्सको ९.९४, रिडी हाइड्रोपावर डेभलपमेन्ट कम्पनीको ९.९१, समृद्धि फाइनान्सको ९.८९, रिलायन्स फाइननान्सको ९.८१, नेशनल हाइड्रोपावर कम्पनीको ९.८०, यूनिभर्सल पावर कम्पनीको ९.७१, दिव्यश्वरी हाइड्रोपावरको ९.६१ र सांग्रिला डेभलपमेन्ट बैंकको ९.०४ प्रतिशतले शेयरमूल्य बढेको छ ।

घलेम्दी हाइड्रोपावर, माउन्टेन हाइड्रोपावर नेपाल र लुम्बिनी विकास बैंकको शेयरमूल्य ८ प्रतिशत धेरैले बढ्दा गरिमा विकास बैंक, आँखुखोला हाइड्रोपावर, बेष्ट फाइनान्स, पञ्चकन्या माइ हाइड्रोपावर, हिमाल दोलखा हाइड्रोपावर, अपि पावर, र मुक्तिनाथ विकास बैंकको शेयरमूल्य ७ प्रतिशतभन्दा धेरैले बढेको छ ।

सोमबार कुन कम्पनीका लगानीकर्ताले गुमाए ?

सोमबारको बजारमा सबैभन्दा धेरै लक्ष्मी बैंकको लगानीकर्ताले गुमाएका छन् । यसदिन बैंकका लगानीकर्ताले ३.५८ प्रतिशतले नोक्सानी ब्यहोरेका छन् ।

यसैगरी नारायणी डेभलपमेनट बैंकको शेयरमूल्य २.९० प्रतिशत, सनराइज बैंकको २.७१, कुमारी बैंकको २.६७, सिभिल बैंकको २.६६, सिटिजन बैंक इन्टरनेशनलको २.५४, साल्ट ट्रेडिङ्ग कर्पोरेसनको २.४०, नेपाल बंगलादेश बैंकको २.३१ प्रतिशत, ९.५ प्रतिशत मञ्जुश्री फाइनान्स डिबेञ्चर २.२७ प्रतिशत र गणपति माइक्रोफाइनान्सको शेयरमा लगानी गरेकाले २.२६ प्रतिशतका दरले घाटा खाएका छन् ।

सोमबार नेप्से ०.२१ अंकले घटेर २९०६.७० अंकमा बन्द भएको छ । कुल २२१ कम्पनीको ३ करोड ५४ लाख ७४ हजार कित्ता शेयर १ लाख ५१ हजार पटक किनबेच हुँदा १५ अर्ब ८१ करोड ८६ लाख ५९ हजार रुपैयाँको कारोबार भएको छ । यस्तै नेपाल पुनर्बीमा कम्पनीको सर्वाधिक कारोबार भएको छ । यस कम्पनीको ६२ करोड १७ लाख २९ हजार रुपैयाँको शेयर खरीद बिक्री भएको हो ।

सोमबार कारोबारमा आएका कूल १३ समूहमध्ये ७ वटाको सूचक बढेको छ ६ वटा घटेको छ । फाइनान्स र विकास समुहको सूचकमा लगानीकर्ताको उच्च आकर्षण देखिएको छ । फाइनान्सको सूचक ८.२७ प्रतिशत र विकास बैंक ६.२७ प्रतिशतले बढेको छ । जलविद्युतको सूचक पनि ३.२३ प्रतिशतले बढेको छ । ब्यापार सर्वाधिक २.२१ प्रतिशतले घट्दा बैंकिङ्ग र होटल तथा टुरिजमको सूचक १ प्रतिशत धेरैले घटेको छ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।