बोर्डको सूची प्रभाव: प्रि ओपनिङमा ७५ कम्पनीको शेयर मूल्य घट्दा सूचक ३२ अंकले घट्यो

नेपाल धितोपत्र बोर्डले शेयर कारोबारका क्रममा चलखेल भएको भन्दै ५१ कम्पनीको सूची सार्वजनिक गरे पछि त्यसको असर बुधबारको प्रि ओपनिङमा देखिएको छ । १५ मिनेट अवधि चलेको प्रि ओपनिङ सेसनमा कुल ११६ कम्पनीको शेयर कारोबार भएकोमा ७५ कम्पनीको शेयर मूल्यमा गिरावट आएको हो ।

१८ कम्पनीको शेयर मूल्य बढेको छ भने २३ कम्पनीको शेयर मूल्य स्थिर रहेको छ । धेरैजसो कम्पनीको १० कित्ता मात्र शेयर कारोबार भएको छ ।

१५ मिनेट अवधिमा समग्र बजार परिसुचक नेप्से ३२.५६ अंकले घटेको छ । योसँगै नेप्से २९८९.५५ अंकमा आईपुगेको छ ।

बुधबारको प्रि ओपनिङमा ११६ कम्पनीका ६६ हजार १७७ कित्ता शेयरहरु ४ करोड ८१ लाख १७ हजार ८४ रुपैंयामा किनबेच भएका छन् ।

प्रि ओपनिङमा शेयर मूल्यमा तिब्र उतारचढाव आएका कम्पनीको सूची यस्तो छ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।