विद्युत नियमन आयोगको निर्णयले जलविद्युत कम्पनीहरुको मूल्यमा उछाल

विद्युत नियमन आयोगले विद्युत सम्बन्धी कम्पनीको शेयर सार्वजनिक निष्कासनको पुर्वस्वीकृति तथा नियमनसम्बन्धी निर्देशिका २०७८ जारी गर्दै हकप्रद जारी गर्ने बाटो खुला गरेसँगै सोमबारको प्रि-ओपनिङ्गमा नै त्यसको प्रभाव देखिएको हो ।

आयोगले नेपाल स्टक एक्सचेन्ज (नेप्से) मा सूचीकृत भएको कम्पनीले सहायक कम्पनी मार्फत जलविद्युत आयोजनामा लगानी गर्न २०० प्रतिशत सम्म हकप्रद शेयर निष्कासन गर्न सक्ने व्यवस्था गरेको थियो ।

व्यापारीक उत्पादन सुरु गरेका जलविद्युत कम्पनीले २ सय प्रतिशतसम्म हकप्रद बिक्री गर्न सक्ने

साताको दोस्रो कारोबार दिन सोमबार प्रि-ओपनिङ्ग सेसनमा नेप्से ४.१४ अंकले बढेको छ । यससँगै नेप्से २ हजार ७६२ दशमलव ६० अंकमा पुगेको छ ।

नेप्सेको प्रि ओपनिङ्ग सेसनमा आज २८ कम्पनीको शेयर कारोबार भएको छ । जसमध्ये २२ कम्पनीको शेयरमूल्य बढेको छ भने ४ कम्पनीको शेयरमूल्य घटेको छ । २ कम्पनीको मूल्य स्थीर रहेको छ ।

यस अवधिमा २८ कम्पनीका १७ हजार १९१ कित्ता शेयर ८८ लाख ४२ हजार ५२५ रुपैयाँमा खरीद बिक्री भएका छन् । कारोबारमा आएका केही बाहेक अधिकांश जलविद्युत कम्पनीको मूल्य बढेको छ । 

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।