एक्सेल डेभलपमेन्टको २४ करोडको हकप्रद बिक्री सोमबारदेखि

एक्सेल डेभलपमेन्ट बैंक (EDBL) ले सोमबारदेखि चुक्ता पूँजीको ३० प्रतिशतले हुन आउने २४ करोड ३३ लाख रुपैयाँ बराबरको हकप्रद शेयर निष्काशन तथा बिक्री खुला गर्दैछ ।

बैंकले निष्काशन गर्ने उक्त हकप्रदमा भदौ ३१ गते बिहीबारसम्म नेप्सेमा शेयर खरीद गरी शेयरधनी कायम भएका लगानीकर्ताले मात्र आवेदन दिन सक्नेछन् ।

हकप्रद निष्काशनका लागि बैंकले असोज १ गते एक दिन बुकक्लोज गरेको थियो ।

बैंकले एक सय रुपैयाँ अंकित मूल्यमा २४ करोड ३३ लाख ३६ हजार ३६७ दशमलव ४२ रुपैयाँ बराबरको २४ लाख ३३ हजार ३६३ दशमलव ६७ कित्ता शेयर बिक्री गर्न लागेको हो ।

बैंकको हकप्रदमा कार्तिक १४ गतेसम्म आवेदन दिन सकिन्छ । हकप्रदमा मेरो शेयर सफ्टवेयरको मोबाइएल एप, वेवसाइट तथा बिक्री प्रबन्धक एनआइबिएल एस क्यापिटल तथा एक्सेल डेभलपमेन्ट बैंकका सम्पूर्ण शाखा कार्यालयबाट आवेदन दिन सकिनेछ । यसका साथै आस्वा अनुमति प्राप्त बैंक तथा वित्तीय संस्था र मार्फत पनि हकप्रदमा आवेदन दिन सकिनेछ ।

गत असार १४ गते सम्पन्न चौधांै वार्षिक साधारण सभाले शेयरधनीहरुलाई १०ः३ अनुपातमा हकप्रद शेयर जारी गर्ने निर्णय गरेको थियो ।

बैंकले सो हकप्रद पूँजीबजारको नियामक निकाय नेपाल धितोपत्र बोर्डबाट साउन ३१ गते आइतबार बिक्रीका लागि अनुमति पाएको थियो ।
क्रेडिट रेटिङ एजेन्सी इक्रा नेपालले बैंकको हकप्रदलाई ‘इक्रा एनपी आइआर त्रिपल बी माइनस रेटिङ्ग’ प्रदान गरेको छ । यसले वित्तीय दायित्व पूरा गर्न मध्यम जोखिममा रहेको संकेत गर्दछ ।

बैंकको हकप्रद निष्काशन तथा बिक्री प्रबन्धक एनआईबिएल एस क्यापिटल रहेको छ ।

हाल बैंकको चुक्ता पूँजी ८१ करोड ११ लाख रुपैयाँ रहेको छ । हकप्रद निष्कासनपछि बैंकको चुक्ता पूँजी १ अर्ब ५ करोड रुपैयाँ पुग्नेछ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।