लक्ष्मी बैंकको लाभांश स्थीरः बोनस घटाएर नगदमा जोड

लक्ष्मी बैंक (LBL) ले गत आर्थिक वर्ष २०७७/७८ को नाफाबाट शेयरधनीलाई अघिल्लो आर्थिक वर्ष २०७६/७७ मा वितरण गरेजति नै लाभांश वितरण गर्ने भएको छ ।

बैंक सञ्चालक समितिको बैंकको मंसिर १४ गते, मंगलबार सम्पन्न सञ्चालक समितिको २५० औं बैठकले चुक्ता पूँजीको ८ प्रतिशत बोनस शेयर र कर प्रयोजनका लागि ३.५० प्रतिशत नगद गरी कुल ११.५० प्रतिशत लाभांश वितरण गर्ने प्रस्ताव गरिएको बैंकका कम्पनी सचिव पियुषराज अर्यालले जानकारी दिए ।

बैंक लिमिटेडले अघिल्लो आर्थिक वर्ष २०७६/७७ को मुनाफाबाट बैंकका शेयरधनीहरुलाई ९ प्रतिशत बोनस शेयर र २.५० प्रतिशत बोनस वितरण गरेको थियो । अघिल्लो आवको तुलनामा १ प्रतिशत बोनस घटाएर नगद बढाई गत आवबाट लाभांश वितरणको प्रस्ताव गरिएको छ ।

प्रस्तावित लाभांश अनुुसार बैंकले ८५ करोड ५६ लाख ५५ हजार १८९ रुपैयाँ बराबरको बोनस शेयर र ३ करोड ७४ लाख ३४ हजार ९१४ रुपैयाँ बराबरको नगद गरी कुल करोड लाख हजार रुपैयाँ बराबरको लाभांश वितरण हुनेछ ।

बैंकले प्रस्ताव गरेको उक्त लाभांश नियामक निकाय नेपाल राष्ट्र बैंकबाट स्वीकृत भई बैंकको आगामी वार्षिक साधारण सभाले पारित गरेपश्चात मात्र लगानीकर्तामा वितरण हुनेछ ।

हाल बैंकको चुक्ता पूँजी १० अर्ब ६९ करोड ५६ लाख ८९ हजार ८६२ रुपैयाँ रहेको छ । प्रस्तावित बोनस वितरण पछि बैंकको चुक्ता पूँजी ११ अर्ब ५५ करोड १३ लाख ४५ हजार ५१ रुपैयाँ पुग्नेछ ।

यस्तो छ विगतको लाभांश इतिहासः

साथै बैंककाे मंगलबारकाे बैठकले पुस ८ गते २१ औं वार्षिक साधारण सभा समेत बोलाएको छ । अग्रवाल भवन कमलपोखरी काठमाडौंमा दिउँसो २ बजे सभा बस्ने भएको हो ।

सभाले गत आर्थिक वर्षको मुनाफाबाट शेयरधनीहरुलाई ८ प्रतिशत बोनस शेयर र कर प्रयोजनका लागि ३.५० प्रतिशत नगद लाभांश वितरण गर्ने प्रस्ताव पारित गर्नेछ ।

बैंकले साधारण सभा प्रयोजन र लाभांश वितरणका लागि मंसिर २४ गते शुक्रबार बुकक्लोज मिति तोकेको छ । यसअनुसार मंसिर २३ गते बिहीबारसम्म नेप्सेमा शेयर कारोबार भई शेयरधनी कायम हुने लगानीकर्ताहरुले मात्र लाभांश प्राप्त र सभामा भाग लिन पाउनेछन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।