कर्पोरेट डेभलपमेन्ट बैंकको १५० प्रतिशत हकप्रद माघ ७ गतेदेखि निष्काशन हुने

कर्पोरेट डेभलपमेन्ट बैंक लिमिटेड (CORBL) ले माघ ७ गतेदेखि चुक्ता पूँजीको १५० प्रतिशत हकप्रद सेयर निष्काशन गर्ने भएको छ ।

बैंकले हाल कायम १ कित्ता सेयर बराबर नयाँ १.५ कित्ता अनुपातमा हकप्रद शेयर निष्काशन गर्न लागेको हो ।जसअनुसार बैंकले एक सय रुपैयाँ अंकित दरका ३० करोड रुपैयाँ बराबरको ३० लाख कित्ता हकप्रद जारी गर्नेछ ।

हकप्रद निष्काशनका लागि बैंकले पुस २६ गते सोमबार सेयर दाखिला खारेजी (बुकक्लोज) गर्ने मिति तोकेको छ । यसअनुसार पुस २५ गते आइतबारसम्म नेप्सेमा कारोबार भइ सेयरधनी कायम भएका लगानीकर्ताहरुले मात्र उक्त हकप्रदमा आवेदन दिन सक्नेछन् ।

बैंकको हकप्रदमा माघ २७ गतेसम्म आवेदन दिन सक्नेछन् । हकप्रदमा मेरो सेयरको मोबाइल एप तथा वेवसाइटका साथै धितोपत्र बोर्डबाट आश्वा अनुमति प्राप्त बैंकका शाखाकार्यालयहरु मर्फत आवेदन गर्न सक्नेछन् । बैंकको धितोपत्र निष्काशन तथा बिक्री प्रबन्धक सिभिल क्यापिटल मार्केट लिमिटेड रहेको छ ।

क्रेडिट रेटिङ एजेन्सी केयर रेटिङ्ग नेपालले बैंकलाई केयरएनपी बी प्लस आईएस रेटिङ्ग प्रदान गरेको छ । यसले वित्तीय दायित्व पूरा गर्न उच्च जोखिममा रहेको संकेत गर्दछ ।

हाल २० करोड रुपैयाँ रहेको बैंकको चुक्ता पूँजी हकप्रद निष्काशनपछि ५० करोड रुपैयाँ पुग्नेछ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।