समृद्धि फाइनान्सका आधारभुत सेयरधनीलाई माघ १२ सम्म हकप्रद वापतको रकम जम्मा गर्न आग्रह

समृद्धि फाइनान्स कम्पनी लिमिटेडले फाइनान्सका आधारभुत सेयरधनीहरुलाई माघ १२ गतेसम्म हकप्रद सेयर वापतको रकम जम्मा गर्न आग्रह गरेको छ ।

फाइनान्सका आधारभूत शेयरधनी (५४ लाख ५९ हजार ४० कित्ता सेयर संख्याको) अर्थात कायम चुक्ता पूँजीकाे १ प्रतिशतले हुन आउने कित्ता सेयर वा सो भन्दा बढी सेयर लिएका सेयरधनीहरु र सञ्चालकहरुले आफ्नो हक अनुसारको रकम माघ ५ गतेदेखि १२ गतेसम्म जम्मा गर्न भनिएको हो ।

आधारभूत शेयरधनीहरुले पुतलीसडक खाता रहेको ‘एसएफसिएल राइट सेयर २०२१’ खाता नामक बैंक खाता न. ९१६०५०१४८ मा रकम जम्मा गरी अर्थात् बिक्री प्रबन्धक बिओके क्यापिटल समक्ष सम्पर्क राखी आवेदन दिन सक्नेछन् ।

हकप्रद निष्काशनका लागि फाइनान्सले पुस ११ गते नै बुकक्लोज गरिसकेको छ । यसअनुसार पुस १० गतेसम्म आधारभूत शेयरधनी र सञ्चालकहरुले २ः१ अनुपातमा प्रतिशेयर १०० रुपैयाँका दरले हकप्रदको रकम जम्मा गर्नुपर्ने हुन्छ ।

फाइनान्सको १९ औं वार्षिक साधारण सभाबाट २ः१ ९अर्थात् २ कित्ता सेयर बराबर नयाँ १ कित्ता सेयर निष्काशन गर्ने प्रस्ताव पारित भई प्रकृया अगाडि बढाइएको थियो ।

उक्त हकप्रद सेयर निष्काशनका लागि नियामक निकाय नेपाल धितोपत्र बोर्ड (सेबोन) ले मंसिर २९ गते स्वीकृति दिएको थियो ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।