चौवन्न अंकको उतार चढावका बीच साढे चौध अंकले घटेर बन्द भयो सेयर बजार

साताको अन्तिम कारोबार दिन ५४ अंकको उतार चढावका बीच बिहीबार साढे १४ अंकको गिरावट सहित सेयर बजार बन्द भएको छ ।

कारोबारको ७ मिनेमा नै इन्ट्रा डे कारोबारमा २९२५.०५ सम्म बढेको नेप्से त्यसपछि सम्हालीन नसक्दा साता कारोबारको अन्तिम दिन बिहीबार सेयर बजारको परिसूचक नेप्से दोहोरो अंकले घटेर बन्द भएको हो ।

स्टकका अनुसार आज १४.६० अंकले घटेर नेप्से २८७६.७४ अंकमा झरेको छ । यसदिन २२४ कम्पनीका १ करोड ५७ लाख ८० हजार ७१३ कित्ता सेयर १ लाख ८ हजार ३६५ वटा कारोबारबाट कुल ८ अर्ब ६१ करोड २१ लख ७४ हजार १६२ रुपैयाँमा खरीद बिक्री भएका छन् ।

यसदिन १५० कम्पनीको कारोबार घट्यो भने ६० कम्पनीको मूल्य मात्र बढेको छ । यस्तै १४ कम्पनीको मूल्य स्थिर रह्यो ।

कारोबारमा आएका १३ उपसमुहगत सूचकमध्ये जलविद्युत र निर्जीवन बीमा बाहेक सबै ११ वटै घटेका छन् । फाइनान्स सबैभन्दा धेरै १.३३ प्रतिशतले घट्दा होटल, विकास बैंक, उत्पादन र जीवन बीमाको सूचक पनि १ प्रतिशत बढीले घटेको छ ।

मर्जरबाट भर्खरै दोस्रो बजारमा कारोबार खुलेको र कम पूँजी भएको विन नेपाल लघुवित्तको मूल्य १० प्रतिशतले बढेको छ । कमजोर वित्तीय अवस्था अर्थात प्रतिसेयर आम्दानी २९ रुपैयाँ ऋणात्मक रहेपनि कारोबारीहरुको तीव्र चलखेका कारण कम्पनीको सेयरमूल्य लगातार ९ कराोबार दिन बढिसकेको छ ।

बुद्धभूमी हाइड्रोपावरको ९.७० प्रतिशत, साहस उर्जा ६.०६, अरुणभ्याली हाइड्रोको ५.३३ प्रतिशत, मैलुङ्ग खोला जलविद्युत कम्पनीको ४.२५ प्रतिशत, न्यादी हाइड्रोपावर ४.१३ प्रतिशत, तेह्रथुम पावर ३.९३ प्रतिशत र सिनर्जी पावरको सेयरमूल्य ३.३६ प्रतिशतले बढेको छ ।

उता आजको बजारबाट एभरेष्ट इन्स्योरेन्सका संस्थापक सेयरका लगानीकर्ताले सर्वाधिक साढे ३ प्रतिशतका दरले गुमाउँदा आरएमडिसी लघुवित्त, पोखरा फाइनान्स, गोर्खाज फाइनान्सको लगानीकर्ताले ३ प्रतिशत बढीले गुमाएका छन् । लुम्बिनी जनरल, समीट लघुवित्त, फरवार्ड लघुवित्त र समृद्धि फाइनान्सको सेयरमूल्य पनि करिब ३ प्रतिशतका दरले नै घटेको छ ।

कारोबार रकमका आधारमा अरुणभ्याली हाइड्रोपावरको १३ लाख ८४ हजार कित्ता सेयर ८२.७० करोड रुपैयाँमा कारोबार हुँदै शीर्ष स्थानमा रहेको छ । यस्तै अपी पावर ५२.५०, शिखर इन्स्योरेन्स २६.८०, नेसनल हाइड्रोपावर २४.८२ करोड र एचआईडिसीएलको २४.३७ करोडको सेयर कारोबार भएको छ ।

कारोबार रकमका आधारमा अरुण कोबली पावर, अपर तामाकोशी, नेपाल लाइफ इन्स्योरेन्स र निफ्रा, र सिनर्जी पावर डेभलपमेन्ट लिमिटेडको शीर्ष दश ठूलो कारोबार भएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।