लाईफ इन्स्योरेन्स कर्पोरेशनको बोनस सेयर सूचीकृत

लाईफ इन्स्योरेन्स कर्पोरेशन नेपाल लिमिटेड (LICN) को ४४ लाख २२ हजार कित्ता बोनस सेयर बैशाख १४ गते बुधबार नेपाल स्टक एक्सचेञ्ज (नेप्से) मा सूचीकृत भएको छ ।

इन्स्योरेन्सको २० प्रतिशत बोनस बापतको ४४ लाख २२ हजार कित्ता सेयर सूचीकृत भएको नेप्सेले जनाएको छ ।

नेपाल स्टक एक्सचेञ्ज (नेप्से) मा एक कम्पनीको बोनस सेयर सूचीकृत भएको छ ।

एलआइसी नेपालको २०७८ फागुन ११ गते बुधबार सम्पन्न १९ औं वार्षिक साधारण सभाले सञ्चालक समितिले प्रस्ताव गरेको २० प्रतिशत बोनस र सो को कर प्रयोजनका लागि १.०५२६ प्रतिशत नगद लाभांश सहित कुल २१ प्रतिशत लाभांश वितरण गर्ने प्रस्ताव पारित गरेको थियो ।

यस्तै सभाले कम्पनीको हालको अधिकृत पूँजी तथा, जारी पूँजी र चुक्ता पूँजी वृद्धि गरी २ अर्ब ६५ करोड ३२ लाख रुपैयाँ पुर्याउने प्रस्ताव समेत पारित गरेको छ ।

१९ औं वार्षिक साधारण सभाबाट पारित भएको लाभांश माघ २३ गतेसम्म कायम सेयरधनीहरुले मात्र प्राप्त गर्नेछन् । साधारण सभा तथा लाभांशवितरण प्रयोजनका लागि कम्पनीले माघ २४ गते बुकक्लोज गरेको थियो ।

हाल कम्पनीको चुक्ता पूँजी चुक्ता पूँजी २ अर्ब २१ करोड १० लाख रुपैयाँ छ । यसबाट कम्पनीले २० प्रतिशतका दरले हुन आउने ४४ करोड २२ लाख रुपैयाँ बराबरको ४४ लाख २२ हजार कित्ता बोनस सेयर वितरण गरेको हो । बोनस वितरणपछि कम्पनीको चुक्ता पूँजी २ अर्ब ६५ करोड ३२ लाख रुपैयाँ पुगेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।