नयाँ नआउँदासम्म विद्यमान सञ्चालन समितिलाई निरन्तरता दिने श्री इन्भेष्ट फाइनान्सको निर्णय

श्री इन्भेष्ट फाइनान्सले साधारण सभाबाट नयाँ सञ्चालक समिति सदस्य निर्वाचित नभएसम्मका लागि फाइनान्सको विद्यमान सञ्चालक समितिका सदस्यहरुलाई निरन्तरता दिने भएको छ ।

फाइनान्सको २०७५ असार २२ गते सम्पन्न २३ औं वार्षिक साधारण सभाबाट निर्वाचित भई क्रियाशील रहेको विद्यमान सञ्चालक समितिका सदस्यहरुको कार्यकाल मिति २०७९ असार २१ गते मंगलबार समाप्त हुँदैछ ।

यद्यपी कम्पनीको आगामी २८ औं वार्षिक साधारण सभाबाट निर्वाचित भई आउने सञ्चालक समितिलाई कार्यभार हस्तान्तरण गर्ने गरी हालकै सञ्चालक समितिलाई निरन्तरता दिने निर्णय भएको कम्पनीका सचिव तेजवहादुर रानामगरले बताए ।

विसं २०७९ असार १७ गते शुक्रबार बसेको ३१८ औं बैठकले साधारण सभाबाट नयाँ सञ्चालक चयन नहुँदासम्मको लागि विद्यमान सञ्चालक समितिलाई नै निरन्तरता दिने निर्णय गरेको हो ।

हाल फाइनान्सको सञ्चालन समिति अध्यक्षमा शशिराज पाण्डे रहेका छन् भने अन्य सञ्चालक समिति सदस्यहरुमा दिनेश राज जोशी, महेश प्रसाद अधिकारी, उमेश भगत प्रधानाङ्ग, रामकृष्ण शर्मा वाग्ले र स्वतन्त्र सञ्चालकमा ममता अधिकारी रहेकी छिन् ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।