५० वटै ब्रोकर कम्पनीले गरे सदस्यता नविकरण, ८२ सूचीकृत कम्पनीले गरेनन्

धितोपत्रको दोस्रो बजार मार्फत शेयर कारोेबार गर्न सदस्यता लिएका ५० वटै धितोपत्र सदस्य दलाल व्यवसायी (ब्रोकर कम्पनी) ले सदस्यता नविकरण गराएका छन् ।

उक्त कम्पनीले चालु आर्थिक वर्ष २०७६/७७ का लागि सदस्यता नविकरण गरेका हुन् । नेप्सेमा सूचीकृत कम्पनी तथा ब्रोकर कम्पनीहरुले नयाँ आर्थिक बर्ष सुरु भएको तीन मिहनाभित्र नविकरण गराउनुपर्ने व्यवस्था छ ।

ब्रोकर कम्पनीले आर्थिक वर्ष समाप्त भएको तीन महिनाभित्र वार्षिक वित्तीय विवरण धितोपत्र बोर्डमा बुझाउनु पर्ने तथा नेप्सेमा सदस्यता नविकरण गराउनुपर्ने व्यवस्था छ ।

यता नेप्सेमा सूचीकृत ८२ कम्पनीले भने सूचीकरण नविकरण गरेका छैनन । नविकरण शुल्क नतिरेपछि नेप्सेले शुक्रबारदेखि नेपाल टेलिकम र युनिलिभर सहित कुल ८२ कम्पनीको शेयर कारोबर रोक्का गरेको छ । नेप्सेमा सूचीकृत कम्पनीले बार्षिक रुपमा तिर्नुपर्ने नविकरण शुल्क नबुझाएपछि कारोबार रोक्का गरेको हो।

नेप्सेमा नविकरण दस्तुर नतिर्नेमा १८ विकास बैंक, वित्त समुहका १२ फाइनान्स कम्पनी, अन्य समुहको नेपाल टेलिकम र फिल्म विकास संस्थानले नविकरण गरेका छैनन ।

त्यसैगरी होटल समुहका सोल्टी र याक एण्ड यती रहेका छन भने बीमा समुहको लाइफ इन्स्योरेन्स कम्पनी नेपाल र प्रभु इन्स्योरेन्स रहेका छन । कारोबार रोक्का भएका उत्पादन मुलक समुहका ११ र व्यापार समुहमा सुचिकृत ३ कम्पनी रहेका छन । त्यसैगरी लघुवित्त समुहका १९, जलविद्युत समुहका १३ कम्पनीको सुचीकरण नविकरण भएको छैन ।

नेपाल टेलिकम र युनिलिभर सहित ८२ कम्पनीको शेयर कारोबार रोक्का