सञ्चालनमा रहेका ३४ सामुहिक लगानी कोष योजनामध्ये गत आव २०७८।७९ को सञ्चित नाफाबाट दुई खुलामुखी सहित १५ म्युचुअल फन्डले इकाईधनीलाई प्रतिफल (नगद लाभांश) वितरण गरेका छन् ।
तथ्याङ्क अनुसार सानिमा इक्वीटी फन्डले सबैभन्दा धेरै २२ प्रतिशत नगद लाभांश वितरण गरेको छ भने एनएमबि–५० तथा एनएमबि हाइब्रिड फन्ड एल–१ ले इकाईधनीलाई २१.०५ प्रतिशत नगद लाभांश वितरण गरेका छन् ।
एनआईबिएल प्रगति फन्डले सबैभन्दा कम प्रतिफल वितरण गरेको छ । सो फन्डले ४.२० प्रतिशत मात्र प्रतिफल वितरण गरेको हो ।
हाल २९ बन्दमुखी र ५ खुलामुखी म्युचुअल फन्ड सञ्चालनमा रहेका छन् । पन्ध्र फन्डले प्रतिफल वितरण गरेकोमा १९ फन्डले हालसम्म प्रतिफल वितरण गरेका छैनन् । जसमध्ये धेरै फन्डले इकाईधनीलाई प्रतिफल वितरण गर्नेछैनन् । कतिपय भर्खरै सञ्चालनमा आएकाले प्रतिफल वितरण गर्नसक्ने अवस्थामा छैनन् भने कतिपय फन्डको लगानी सेयरबजारमा आएको गिरावटले घाटामा पुगेका छन् ।
योजना व्यवस्थापकले अनुभवी व्यक्तिहरुद्धारा प्राविधिक विश्लेषण सहित लगानी गरिने हुँदा म्युचुअल फन्डहरुले आकर्षक प्रतिफल वितरण गर्ने गर्दछन् भन्ने मान्यता विपरित नेपालका म्युचुअल फन्ड व्यवस्थापकहरुको व्यवस्थापन भने कमजोर नै देखिएको छ ।
लाभांश वितरण गरेका म्युचुअल फन्डको प्रतिफल पनि अघिल्लो आवको तुलनामा गत आवमा उच्च रुपमा घटेको छ । सेयर बजार घट्दा लगानीमा रहेको सेयर बिक्री गरेर नाफा सुरक्षित गर्नुपर्ने भएपनि सो अनुसारको कार्य गर्न फन्ड व्यवस्थापक चुक्दा इकाईधनीले निकै कम मात्र प्रतिफल पाएका छन् ।
यी हुन् लाभांश वितरण गर्ने म्युचुअल फन्डः–
| S.N. | Sector-Mutual Fund | Stock Symbol | Bonus | Cash | Total |
| 1 | Sanima Equity Fund | SAEF | 0.00 | 22.00 | 22.00 |
| 2 | NMB 50 | NMB50 | 0.00 | 21.05 | 21.05 |
| 3 | NMB Hybrid Fund L-1 | NMBHF1 | 0.00 | 21.05 | 21.05 |
| 4 | NIC Asia Growth Fund | NICGF | 0.00 | 13.00 | 13.00 |
| 5 | NIC Asia Balanced Fund | NICBF | 0.00 | 13.00 | 13.00 |
| 6 | Sunrise First Mutual Fund | SFMF | 0.00 | 12.00 | 12.00 |
| 7 | Siddhartha Investment Growth Scheme-2 | SIGS2 | 0.00 | 10.00 | 10.00 |
| 8 | Siddhartha Equity Fund | SEF | 0.00 | 9.00 | 9.00 |
| 9 | NIBL Sahabhagita Fund | NIBLSF | 0.00 | 7.20 | 7.20 |
| 10 | Nabil Balanced Fund -2 | NBF2 | 0.00 | 7.00 | 7.00 |
| 11 | Nic Asia Dynamic Debt Fund | NADDF | 0.00 | 6.00 | 6.00 |
| 12 | Laxmi Equity Fund | LEMF | 0.00 | 5.00 | 5.00 |
| 13 | Laxmi Unnati Kosh | LUK | 0.00 | 5.00 | 5.00 |
| 14 | Nabil Equity Fund | NEF | 0.00 | 5.00 | 5.00 |
| 15 | NIBL Pragati Fund | NIBLPF | 0.00 | 4.20 | 4.20 |
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया