लक्ष्मी लघुवित्तले लाभांश पारित गर्न डाक्यो साधारणसभा, अन्य संस्था खरिद गर्ने

लक्ष्मी लघुवित्तले गत आर्थिक बर्षको प्रस्तावित लाभांश लगायतका एजेन्डा पारित गर्न मंसिर २० गते शुक्रबार कमलपोखरीमा आठौं बार्षिक साधारण सभा आह्वान गरेको छ ।

कम्पनीले गत आर्थिक बर्षको मुनाफाबाट लगानीकर्तालाई १५ प्रतिशत बोनस शेयर र ११.३२ प्रतिशत नगद लाभांश समेत गरि कुल २६.३२ प्रतिशत लाभांश प्रस्ताव गरेको छ ।

लघुवित्तले ३ करोड ६३ लाख रुपैयाँ बराबरको बोनश र २ करोड ७३ लाख नगल लाभांश गरि कुल ६ करोड ३६ लाख रुपैयाँ लाभांश वितरण गर्नेछ । बोनश वितरण पछि लघुवित्तको चुक्ता पूँजी २७ करोड ८३ लाख रुपैयाँमा पुग्नेछ ।

त्यस्तै सभामा कम्पनीको बिनियमावली र प्रबन्धपत्र संसोधन गर्ने र अन्य घ वर्गका वित्तीय संसथालाई प्राप्ति सम्बन्धि निर्णय गर्ने सम्पूर्ण अख्तियारी संचालक समितिलाई दिने प्रस्ताव साधारणसभामा पेश हुनेछ ।

कम्पनीले साधारणसभा प्रयोजनको लागि मंसिर ११ गते बुक क्लोज गर्ने भएको छ । जस अनुसार मंसिर १० गतेसम्म कायम शेयरधनीले मात्र साधारण सभामा भाग लिन र प्रस्तावित लाभांश पाउनेछन् ।