नेपालमा १२ मुलुकबाट भित्रिन्छ स्मार्टवाच, आयात २२% ले घट्यो

नेपालमा स्मार्ट वाच आयात २२ प्रतिशतले घटेको छ । भन्सार विभागको तथ्यांक अनुसार चाल आर्थिक बर्ष २०७९/८० को पहिलो पाँच महिनाको अवधिमा २१ करोड ८४ लाख १२ हजार रुपैयाँको स्मार्टवाच आयात भएको छ ।

गत आवको सोही अवधिमा भने २८ करोड १९ लाख २४ हजार रुपैयाँ बराबरको वाच आयात भएको थियो ।

तथ्यांक अनुसार चालु आवको मंसिर महिनामा एक लाख ४४ हजार ४६६ युनिट स्मार्टवाच आयात भएको छ भने गत वर्षको यसै अवधिमा दुइ लाख १४ हजार ४२६ यूनिट स्मार्ट वाच आयात भएको थियो ।

विभागका अनुसार नेपालमा १२ मुलुकबाट स्मार्टवाच आयात हुने गरेको छ । सबैभन्दा धेरै स्मार्टवाच चीनबाट आयात हुने गरेको छ । चीनबाट १५ करोड ९३ लाख ११ हजार रुपैयाँ बराबरको एक लाख २७ हजार ३०८ यूनिट स्मार्टवाच आयात भएको छ ।

भारतबाट चार करोड ७१ लाख ३९ हजार रुपैयाँ बराबरको १६ हजार ७०० यूनिट आयात भएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।