निर्धन उत्थान लघुवित्तले घटाएर घोषणा गर्‍यो लाभांश

निर्धन उत्थान लघुवित्त वित्तीय संस्था लिमिटेडले गत आर्थिक वर्ष २०७८/७९ को मुनाफाबाट सेयरधनीहरुलाई वितरण गर्ने लाभांश घोषणा गरेको छ । लघुवित्तले अघिल्लो आर्थिक वर्षको तुलनामा ११ प्रतिशत बिन्दु कम लाभांश वितरण गर्ने प्रस्ताव गरेको हो ।

पुस १९ गते बसेको लघुवित्तको सञ्चालक समितिको बैठकले चुक्ता पूँजीको १९ प्रतिशत बोनस सेयर र १ प्रतिशत नगद लाभांश गरी कुल २० प्रतिशतका दरले लाभांश वितरण गर्ने प्रस्ताव गरेको हो ।

सञ्चालक समितिको बैठकले प्रस्ताव गरेको सो लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपछि मात्र सेयरधनीलाई वितरण हुनेछ ।

कम्पनीले आर्थिक वर्ष २०७८/७९ को मुनाफाबाट सेयरधनीहरुलाई चुक्ता पूँजीको २९.५० प्रतिशत बोनस सेयर र १.५५ प्रतिशत नगद गरी कुल ३१.०५ प्रतिशत लाभांश वितरण गरेको थियो । लघुवित्तले आव २०७३/७४ मा सर्वाधिक ८०.७१ प्रतिशतसम्म लाभांश वितरण गरेको थियो ।

यस्तो छ लघुवित्तको लाभांश इतिहासः

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।