गैरकानुनी रुपमा सवारी चालक अनुमतिपत्र जारी गर्ने ३८ कर्मचारी बिरुद्ध आरोपपत्र दायर

अख्तियार दुरुपयोग अनुसन्धान आयोगले गैरकानुनी लाभ र्पुयाउने बदनियतले सवारी चालक अनुमतिपत्र जारी गरेको भन्दै यातायात व्यवस्था कार्यालय ललितपुरका तत्कालीन कार्यालय प्रमुखसहित ३८ जना बिरुद्ध आरोपपत्र दायर गरेको छ ।

आयोगले सवारी चालक अनुमतिपत्र प्रदेश नं.३ ललितपुरका तत्कालीन कार्यालय प्रमुख उपसचिव आनन्द केशरी पोखरेलसहित ३८ जना बिरुद्ध आरोपपत्र दायर गरेको हो ।

उनीहरुले २०६९ वैशाख, जेष्ठ र आषाढ महिनाभित्र प्रयोगात्मक परीक्षामा फेल भएका १२८४ जनाको नतिजा गैरकानुनी लाभ र्पुयाउने बदनियतले फेलबाट पास बनाई परीक्षाको परिणाम फेरबदल गरी सवारी चालक अनुमतिपत्र जारी गरेको अख्तियारको भनाई छ ।

आयोगले अभिलेख लगायतका सरकारी कागजात नोक्सान गरेको र उक्त जारी गरिएका सवारी चालक अनुमतिपत्रहरुको लिनुपर्ने राजश्व रकमसमेत नलिई राजस्व चुहावट गरी सरकारी सम्पत्ति हिनामिना हानिनोक्सानी गरेको पुष्टि हुन आएको भन्दै जरिवाना र कैद सजायको मागदाबी लिई विशेष अदालत काठमाण्डौमा मुद्दा दायर गरेको हो ।