गणपति माइक्रोफाइनान्सको लाभांश सुरक्षित गर्ने आज अन्तिम दिन

गणपति माइक्रोफाइनान्स वित्तीय संस्थाले गत आर्थिक बर्षको मुनाफाबाट वितरण गर्न घोषणा गरेको लाभांश सुरक्षित गर्ने आज अन्तिम दिन हो।

माइक्रोफाइनान्सले हाल कायम चुक्ता पूँजीको ७ प्रतिशत बोनस शेयर र सोको कर प्रयोजनको लागि ०.३६ प्रतिशत नगद लाभांश वितरण गर्ने प्रस्ताव गरेको छ ।  लाभांश पारित गर्न संस्थाले पुस ४ गते शुक्लागण्डकी नगरपालिका स्थित जंगल पार्क रिसोर्ट तनहुँमा साधारण सभा बोलाएको छ।

साधारण सभा प्रयोजनका लागि बुधबार बुक क्लोज गर्ने भएकाले आजसम्म कायम शेयरधनीले लाभांश पाउनेछन् ।

हाल १० करोड ३५ लाख रुपैयाँ चुक्ता पुँजी रहेको माइक्रोफाइनान्सको वोनस वितरणपछि चुक्ता पूँजी ११ करोड ७ लाख रुपैयाँ पुग्नेछ । बोनस पश्चात कायम हुने चुक्ता पूँजीको ५० प्रतिशत अर्थात २ बराबर १ अनुपातमा हकप्रद शेयर निष्कासन गर्ने प्रस्ताव पनि साधारण सभाले पारित गर्दैछ ।